Kiraŭnik MZS Ukrainy rezka adreahavaŭ na pazbaŭleńnie Zialenskaha ordena i viarnie svaju polskuju ŭznaharodu
«Vyjhraje tolki Maskva».
Ministr zamiežnych spraŭ Ukrainy Andrej Sibiha vystupiŭ z žorstkaj krytykaj u adras prezidenta Polščy Karala Naŭrockaha, jaki adklikaŭ u Uładzimira Zialenskaha Orden Biełaha Arła. Ukrainski dypłamat nazvaŭ hety krok «stratehičnaj pamyłkaj», ad jakoj vyjhraje tolki rasijski bok.
Kiraŭnik MZS vykazaŭ škadavańnie, što ŭ Varšavie «emocyi ŭziali vierch», što pryviało da nieapraŭdanych, impulsiŭnych i źniavažlivych krokaŭ nie tolki ŭ bok ukrainskaha prezidenta, ale i ŭsiaho Uschodniaha susieda ŭ cełym.
«Sprava nie ŭ ordenach, a ŭ staŭleńni. My zaŭsiody vystupali za padychod uzajemnaj pavahi — navat kali havorka idzie pra składanyja i prablemnyja temy. A heta praduhledžvaje, što my pavažajem rašeńni adzin adnaho navat tady, kali nie zhadžajemsia ź imi», — kaža Sibiha.
Jon ličyć, što na fonie vajny ciapierašniaje abvastreńnie — kontrpraduktyŭnaje i nie patrebnaje ni ŭkraincam, ni palakam.
«Nam škada, što zamiest pošuku rašeńniaŭ polski bok vyrašyŭ eskałavać hetaje abvastreńnie da nieprymalnaha i nieadekvatnaha ŭzroŭniu.
Nivodzin prezident inšaj krainy nie budzie dyktavać nam našu historyju», — dadaŭ jon.
U znak pratestu sam Andrej Sibiha admoviŭsia ad Kamandorskaha kryža z zorkaj Ordena «Za zasłuhi pierad Polščaj» i paabiacaŭ u bližejšy čas aficyjna viarnuć uznaharodu polskamu boku.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary
Mocnyja słovy.
Vialiki ŭčynak.