Staršynia Jeŭrapiejskaj kamisii Ursuła fon der Lajen zajaviła, što ŭstupleńnie ŭ Jeŭrapiejski Sajuz Čarnahoryi ŭžo ŭ 2028 hodzie vyhladaje całkam realnym.
Padčas pres-kanfierencyi ŭ čarnahorskim horadzie Civacie paśla sustrečy lidaraŭ ES z kalehami z krain Zachodnich Bałkan, jakija spadziajucca dałučycca da Jeŭrasajuza ŭ najbližejšyja hady, Ursuła fon der Lajen adznačyła, što krainy Zachodnich Bałkan i ES aktyŭna ŭmacoŭvajuć supracoŭnictva. Pavodle jaje słoŭ, heta nie prosta abiacańnie na budučyniu, a važny stratehičny kirunak raźvićcia.
Fon der Lajen padkreśliła značeńnie Płana rostu ES, jaki adkryvaje kampanijam rehijona dostup da častki ahulnaha jeŭrapiejskaha rynku. Heta pavinna dapamahčy biznesu pašyrać dziejnaść i pryciahvać novyja inviestycyi. Jana taksama zhadała pracu pa admienie roŭminhu pamiž krainami rehijona i Jeŭrasajuzam.
Pavodle jaje słoŭ, praces jeŭraintehracyi zasnavany na realnych vynikach i praviedzienych reformach. Jana vysoka acaniła źmieny, jakija adbyvajucca ŭ Čarnahoryi, i nazvała metu dałučeńnia krainy da ES u 2028 hodzie dasiahalnaj.
Raniej krainy Jeŭrapiejskaha Sajuza ŭžo damovilisia pačać padrychtoŭku da zaklučeńnia dahavora ab ustupleńni Čarnahoryi ŭ skład abjadnańnia. Sama kraina taksama zajaŭlaje pra namier stać novym členam ES da 2028 hoda.
U svaju čarhu, fiederalny kancler Hiermanii Frydrych Mierc padčas hetaj samaj sustrečy padkreśliŭ, što toj fakt, što ES užo 13 hadoŭ nie prymaje novych členaŭ, śviedčyć pra toje, što «z boku Jeŭrapiejskaha Sajuza taksama byli niedachopy».
«Jeŭrapiejski Sajuz pavinien prademanstravać, što jon zdolny i hatovy da pašyreńnia, i my chočam abmierkavać heta tut. Viadoma, jość ceły šerah pytańniaŭ, na jakija my pavinny adkazać, i my pavinny adkazać na ich razam», — skazaŭ jon.
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary
Nie tamu, što "da-kamu-my-tam-nužny", a tamu što taki vybar za ich zrabiła impieryja, jakaja ich akupuje. Jakoj movaj razmaŭlać, jakoje načalstva mieć, jakim ładam žyć.