Jakija jeŭrapiejskija krainy najbolš zapatrabavanyja biełarusami dla adpačynku
Biełarusy i ŭ 2025 hodzie, niahledziačy na ciažkaści z atrymańniem viz i składanuju łahistyku, praciahvali vybirać dla adpačynku jeŭrapiejskija krainy, dabirajučysia tudy samalotami. Pra heta paviedamili ŭ Respublikanskim sajuzie turystyčnych arhanizacyj.
Čaściej za ŭsio biełarusy vylatali na adpačynak z aeraportaŭ susiednich dziaržaŭ — Vilni, Koŭna, Ryhi, Varšavy, a taksama z Hdańska i Krakava. Papularnymi zastavalisia i maršruty ź pierasadkami praz Stambuł i Jerevan, asabliva pry pajezdkach na Kipr i ŭ Čarnahoryju.
Pavodle źviestak servisu TravelHub, najbolšaja kolkaść reziervavańniaŭ na leta 2025 hoda pryjšłasia na krasavik i maj. Samaj zapatrabavanaj jeŭrapiejskaj krainaj u biełarusaŭ stała Italija — na jaje prypała bolš za pałovu (55%) usich braniavańniaŭ. Druhoje miesca zaniała Ispanija (25%), a treciaje — Hrecyja (10%). Taksama letaś znoŭ źjavilisia avijatury ŭ Bałharyju z vyletam z susiednich krain.
Asnoŭnaj prablemaj dla turyzmu, akramia ciažkaściaŭ z atrymańniem viz, zastajecca zabarona na paloty avijakampanii «Biełavija» ŭ pavietranaj prastory Jeŭrasajuza. Choć u 2025 hodzie ZŠA i niekatoryja krainy źniali ź jaje sankcyi, jeŭrapiejskaje nieba dla biełaruskaj avijakampanii ŭsio jašče zakrytaje. Ale navat kali b jano adkryłasia ŭ 2026 hodzie, heta nie pryviało b da chutkaha adnaŭleńnia pramych rejsaŭ z-za mocna skaročanaha pavietranaha fłotu, jaki ciapier naličvaje tolki 17 samalotaŭ.
Ekśpierty adznačajuć, što ŭ pieršuju čarhu mahli b adnavicca rejsy ŭ bujnyja harady, takija jak Paryž, Rym, Bierlin i Viena. A voś na kurortnyja napramki — Barsiełonu, Sałoniki, Tyvat, Rymini, Burhas i inšyja — samalotaŭ, chutčej za ŭsio, nie chapiła b. Dla paŭnavartasnaha adnaŭleńnia palotaŭ spatrebiŭsia b čas na viartańnie lizinhavych damoŭ i nabyćcio novych pavietranych sudnaŭ.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»7
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary