Rasija choča adpravić 100 tysiač armian u Armieniju, kab jany prahałasavali na parłamienckich vybarach suprać Pašyniana
Armianam nie dazvalajecca hałasavać na vybarach z-za miažy.
Rasijskija čynoŭniki ŭ apošnija miesiacy abmiarkoŭvali adpraŭku armian, jakija žyvuć u Rasii, dla hałasavańnia za apanientaŭ Pašyniana na parłamienckich vybarach, što pavinny prajści 7 červienia, paviedamili piać krynic Reuters.com.
Armianie składajuć vialikuju suśvietnuju dyjasparu, u tym liku nasielnictva ŭ Rasii, jakoje, pavodle niekatorych acenak, pieravyšaje 2 miljony čałaviek. Pry hetym armianam nie dazvalajecca hałasavać na vybarach z-za miažy.
Adna krynica — vysokapastaŭleny amierykanski čynoŭnik — zajaviła, što ŭ raźviedvalnaj supolnaści iduć sprečki nakont taho, kolki ludziej Maskva realna zmoža pieravieźci. Adnak, pavodle jaho słoŭ, śpiecsłužby ŭsprymajuć hetuju ideju surjozna. Armianie rehularna pieramiaščajucca pamiž dźviuma krainami, a štodnia vykonvajucca dziasiatki avijarejsaŭ.
Pavodle troch krynic, rasijskija ŭłady acanili košt pieravozki 100 tysiač vybarcaŭ prykładna ŭ $50 młn. Da siaredziny maja Kreml nibyta vyznačyŭ kvoty dla kožnaha rehijona pa kolkaści armian, jakich treba adpravić, i zapatrabavaŭ ad miascovych administrataraŭ spravazdačy ab padrychtoŭcy.
Reuters nie ŭdałosia ŭstanavić, ci realizujecca taki płan na praktycy i ci zmoh by jon skaracić vialiki razryŭ pamiž lidarami vybarčaj honki.
Pavodle apytańnia, praviedzienaha raniej u hetym miesiacy, partyja Nikoła Pašyniana «Hramadzianskaja damova» pavinna zaniać pieršaje miesca prykładna z 30% hałasoŭ.
Partyja «Mocnaja Armienija» Samvieła Karapieciana, pavodle taho ž apytańnia, nabiraje kala 6% i značna adstaje va ŭmovach vysokaj kankurencyi.
Pašynian pryjšoŭ da ŭłady ŭ 2018 hodzie paśla pratestaŭ, jakija zrynuli jaho prarasijskaha papiarednika.
U žniŭni 2025 hoda Pašynian zaklučyŭ pry pasiarednictvie ZŠA mirnaje pahadnieńnie, zaklikanaje zaviaršyć šmathadovy kanflikt pamiž Armienijaj i Azierbajdžanam vakoł sprečnaha rehijona. Ździełka praduhledžvaje adkryćcio transpartnaha maršrutu praz poŭdzień Armienii, što dazvolić tavaram ruchacca na ŭschod u bok Centralnaj Azii, a Azierbajdžan atrymaje pramy dostup da svajho ekskłava Nachičevań i da Turcyi.
Ciapier čytajuć
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie5
Kamientary
Eto, - tie žie russkije so znakom kačiestva ot putina.
V Biełarusi s etim problem niet, v tiech žie russkich so znakom kačiestva ot putina i łukašienko prievraŝieny 30% biełarusov !
I nikoho otpravlať nie nado, vsiehda hołosujut kak nado putinu i Rośsii, da jeŝio vystupajut v roli karatielej po otnošieniju k ostavšimsia 70%, jeŝio prodołžajuŝim sčitať siebia biełarusami v Biełarusi, provodia rieprieśsii v intieriesach putina, russkoho mira i łukašienko....