Rekanstrukcyja Piščałaŭskaha zamka na vulicy Vaładarskaha vychodzić na novy etap: budaŭniki adnačasova viaduć raboty na niekalkich napramkach, pišuć Minsk-naviny.
Pracy pravodziacca va ŭmovach paralelnaha prajektavańnia, što ŭskładniaje praces.
Na siońniašni dzień užo zavieršany znos 17 starych pabudoŭ, jakija nie majuć historyka-kulturnaj kaštoŭnaści. Taksama demantavany staryja inžyniernyja sietki i vykanany pieršačarhovyja supraćavaryjnyja mierapryjemstvy.
Ciapier asnoŭnyja siły zasiarodžany na dvuch napramkach: uźviadzieńni novaha korpusa №3 i rekanstrukcyi dvuchpaviarchovaha budynka №2 (historyka-kulturnaha centra), fasad jakoha vychodzić na vulicu Vaładarskaha.
Budaŭniki prystupili da ŭmacavańnia ścien z dapamohaj časovych mietaličnych kanstrukcyj — heta nieabchodna dla pavyšeńnia ich apornaj zdolnaści. Dalej zapłanavany demantažnyja raboty ŭnutry budynka, a taksama pahłybleńnie i ŭmacavańnie padmurkaŭ.
Na terytoryi samoha zamka dla vyprabavańniaŭ pierad uzmacnieńniem padmurkaŭ burać probnyja pali (vosiem štuk). Akramia taho, pačaŭsia mantaž viežavaha krana.
Kamientary