Mužčyna z dvuma nažami napaŭ na syna, kali toj myŭ škarpetki ŭ vannym pakoi, i nanios 10 udaraŭ
Vypadak zdaryŭsia ŭ Minsku na vulicy Hierasimienki.
64‑hadovy mužčyna žyŭ u kvatery z žonkaj, dačkoj i synam, jaki byŭ nieadnarazova sudzimy i nidzie aficyjna nie pracavaŭ. U toj viečar mužčyna vypiŭ z kalehami, i, viarnuŭšysia dadomu, čarhovy raz pasvaryŭsia z synam, pišuć Minsk-naviny.
Syn nieprykmietna ŭklučyŭ na svaim mabilnym telefonie dyktafon, pakolki baćka pahražaŭ jamu.
Kali syn myŭ u vannaj škarpetki, baćka ŭvarvaŭsia tudy. U jaho rukach było dva nažy. Małady mužčyna nie bačyŭ ich, bo stajaŭ śpinaj da dźviarej. Baćka nanios jamu ŭdary ŭ śpinu. Pamiž svajakami pačałasia baraćba, u razhar jakoj baćka dvojčy ŭdaryŭ syna nažom u hrudnuju kletku.
Syn paśliznuŭsia i stuknuŭsia hałavoj ab kraj vanny. Kali jon pryjšoŭ u siabie, to ŭbačyŭ, jak baćka nanosić jamu čarhovy ŭdar nažom — hetym razam u žyvot. Dalej toj prystaviŭ lazo da šyi i parezaŭ jaje, a paśla ŭdaryŭ nažom u pieradplečča.
Synu ŭdałosia adšturchnuć baćku, toj upaŭ na śpinu i ŭ hety momant dvojčy ŭsadziŭ lazo ŭ halonku paciarpiełaha. Małady mužčyna sieŭ na baćku źvierchu i staŭ utrymlivać jaho ruki, ale toj zmoh vyrvacca i nanieści synu udar nažom u rabro.
Chłopiec z apošnich sił dajšoŭ da kuchni, uziaŭ kresła i ŭdaryŭ im baćku, paśla čaho adkryŭ dźviery ŭ kvateru i ŭpaŭ ŭ tambury. Chutkuju i milicyju vyklikali susiedzi.
Ačuniaŭ 36‑hadovy mužčyna tolki tady, kali miedyki akazvali jamu pieršuju dapamohu, a paśla dastavili ŭ balnicu.
Baćku zatrymali i raspačali kryminalnuju spravu.
Sud pryznaŭ jaho vinavatym u zamachu na zabojstva i praznačyŭ siem hadoŭ kałonii va ŭmovach uzmocnienaha režymu.
Ciapier čytajuć
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ21
Kamientary