U Chocimskim rajonie maładaja maci tak zahulałasia, što ŭmiašalisia siłaviki
U Chocimskim rajonnym sudzie razhladałasia sprava ŭ dačynieńni da 23‑hadovaj žančyny, jakuju abmiežavali va ŭdziele ŭ azartnych hulniach z-za jaje zaležnaści, paviedamiła Hienieralnaja prakuratura.
Pavodle materyjałaŭ pravierki, maładaja maci žyła razam z mužam i dvuma małaletnimi dziećmi i na praciahu dvuch hadoŭ rehularna ŭdzielničała ŭ azartnych hulniach, u asnoŭnym u internet-kazino. Dla hetaha jana mieła siem roznych hulniavych akaŭntaŭ.
Na svajo zachapleńnie žančyna traciła hrošy, pryznačanyja dla dziaciej, u tym liku dziciačyja dapamohi, a taksama pazyčała ŭ svajakoŭ. U vyniku siamja apynułasia ŭ ciažkim materyjalnym stanoviščy: nie chapała srodkaŭ navat na pradukty charčavańnia i apłatu kamunalnych pasłuh.
U krasaviku hetaha hoda z-za taho, što asnoŭnyja patreby dziaciej nie zadavalnialisia, u domie nie było dastatkovaj kolkaści ježy, a hrošy vykarystoŭvalisia nienaležnym čynam, dzieci byli pryznanyja takimi, što znachodziacca ŭ sacyjalna niebiaśpiečnym stanoviščy.
Prakuror rajona źviarnuŭsia ŭ sud u intaresach dziaciej i muža žančyny z patrabavańniem abmiežavać jaje ŭdzieł u azartnych hulniach. Sud zadavoliŭ heta patrabavańnie ŭ poŭnym abjomie: žančynie zabaroniena naviedvać hulniavyja ŭstanovy, u tym liku anłajn, i ŭdzielničać u azartnych hulniach terminam na try hady.
Ciapier čytajuć
Palitołah Alina Charysava pahadziłasia supracoŭničać z SBU. Akazałasia, heta było KDB48
Kamientary