Biełarusy skardziacca, što lubimyja syrki z pandaj užo «nie tyja». Ci źmianili recept paśla pieradačy «Savuškavamu praduktu»?
Amatary połackich syrkoŭ z pandaj «Mišu» skardziacca ŭ sacsietkach, što lubimy pradukt ich rasčaroŭvaje. Najbolšy niepakoj vyklikaje šakaładnaja hłazura, jakaja adnym ciapier nahadvaje płastylin, a inšym — suchuju paliŭku.
«Ciapier hłazura padajecca takoj ža suchoj, jak i ŭ inšych syrkoŭ u Biełarusi. Ja cudoŭna pamiataju hety miakki šakaładny słoj, jaki nie treba razłomvać zubami pry nadkusvańni, a zaraz mienavita tak i adbyvajecca — jana chrumścić. Heta nie toje», — skardzicca adna ź internet-karystalnic. Ź joj salidarnyja i niekatoryja inšyja kamientatary.
«Doŭhi čas kuplali tolki hetyja syrki. U apošniaj dastaŭcy jany niejkija inšyja — hłazura adroźnivajecca, nie ŭ lepšy bok dla mianie»;
«Sapsavali taki dobry pradukt. Hłazura jak płastylin stała. Nie treba źmianiać składy», — pakidajuć vodhuki klijenty anłajn-dastavak roznych kram.
Na Połackim małočnym kambinacie čytačcy «Našaj Nivy» paćvierdzili, što za recepturu i vytvorčaść syrkoŭ ciapier całkam adkaznyja supracoŭniki «Savuškava pradukta».
Ale na apošnim źniapraŭdžvajuć zdahadki nakont umiašańnia ŭ tradycyjny recept.
«My źmianili tolki ŭpakoŭku, recepturu nie mianiali. My zacikaŭlenyja ŭ tym, kab zachavać pieršasny smak syrka i nie zhubić armiju jaho prychilnikaŭ. Nu i kali b my mianiali recepturu, to syrok źnik by z pryłaŭkaŭ na hod-dva. Heta vielmi doŭhi praces — zapatentavać novy recept. Heta pracedura źviazanaja i ź Minzdaroŭjem, i ź inšymi instancyjami, jana praduhledžvaje šmat biurakratyčnych etapaŭ».
Na zavodzie dadali, što sa źmienaŭ možna adznačyć toje, što syrki vypuskajucca na novym, bolš sučasnym abstalavańni. Ale ŭsie pracesy robiać razam z połackimi kalehami, jakija praciahvajuć pracavać na vytvorčaści:
«Ucprymańnie smakaŭ — usio ž vielmi subjektyŭnaja reč. Ad adnaho i taho ž praduktu ŭ niekalkich čałaviek buduć całkam supraćlehłyja ŭražańni».
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary
Nu, kačiestvienno.
No vy žirnosť vidieli? 26 procientov!!!!
Chotieła by ja posmotrieť na "armiju" pokłońnikov etich syrkov, tam vsie oviersajz)))