Eks-palitviazień u svaim telehram-kanale parazvažaŭ pra los stukačoŭ u kałonii i ci varta im akazvać materyjalnuju dapamohu pa vychadzie z turmy.
«Adzin z maich znajomych, jaki žyvie za miežami Biełarusi, pacikaviŭsia maim mierkavańniem pa pytańniu, što dyskutujecca ŭ siecivie — ci varta pravaabaroncam akazvać materyjalnuju dapamohu byłym palitviaźniam, jakija ŭ kałonijach supracoŭničali z administracyjaj i danosili joj na inšych palitviaźniaŭ. Karaciej, byli «stukačami», jak takich nazyvajuć», — zadaŭsia pytańniem palityk.
«Na moj pohlad, heta pytańnie najpierš da donaraŭ, jakija fundujuć hetuju dapamohu, pa jakich zadadzienych imi kryteryjach jana pavinna raźmiarkoŭvacca.
Ale treba ŭličvać, što choć u kałonii viaźni zvyčajna viedajuć tych, chto «chodzić u štab» da apieratyŭnych supracoŭnikaŭ, bo tam takoje ciažka schavać, ale patrebny śviedčańni, jak minimum, niekalkich aryštantaŭ z dobraj reputacyjaj. Bo ŭ takoj spravie mahčymyja i ahavory na tle asabistaj niepryjaznaści.
Dy j «słužby» lubiać pahulać u takija hulni. Da prykładu, časta krynicami plotak pra nibyta «supracoŭnictva» niekaha z KDB źjaŭlajucca «sieksoty» KDB.
Ale samaja vialikaja prablema nie ŭ hetym. Kali niechta robicca navat drobnym «stukačom» u kałonii, kab palepšyć svaju situacyju, to jon sadzicca na kručok na ŭsio žyćcio. Kali heta zvyčajny kryminalnik, to paśla vyzvaleńnia dadzienyja pra jaho «stukactva» pieradajucca ŭ RAUS pa miescy žycharstva. Tam jaho prymušajuć praciahvać danosić na svaich znajomych dy siabroŭ užo miascovaj milicyi. A byvaje, što takich «padvodziać» i da «palityčnych». Daśje ž na vyzvalajemych «stukačoŭ», jakija danosili na svaich tavaryšaŭ u kałonii, pieradajucca KDB.
Ich mohuć zrabić «sieksotami» pierad vyzvaleńniem. Potym znachodziać i za miažoj, bo Internet dazvalaje, i prapanujuć praciahnuć «supracoŭnictva». Pry admovie pahražajuć blizkim, što zastalisia ŭ Biełarusi, ci apublikavać u Siecivie videadokaz danosaŭ u kałonii.
Kali były «stukač» ci «sieksot» pahadžajucca, to pieratvarajucca ŭžo ŭ «špijona» zamiežnaj dziaržavy ŭ krainie znachodžańnia. A značyć — u złačyncu pa miascovym zakonam ź pierśpiektyvaj novaha źniavoleńnia. Voś taki los nakanavany «stukačam» — tym, chto vyrašyŭ palepšyć svajo stanovišča koštam jaho paharšeńnia ŭ inšych.
Hałoŭnaja prablema nie ŭ tym, ci akazvać dapamohu tym, kaho vykryli, jak «stukača», a ŭ biaśpiecy tych pravaabaroncaŭ, jakija jamu hetu dapamohu arhanizujuć i ich blizkich na Radzimie. Bo ludzi, jakija prajšli hety šlach ad «stukačoŭ» da «špijonaŭ», maralnych tarmazoŭ užo nie majuć — zdaduć i tych, chto im dapamahaje.
Nu, niachaj pravaabaroncy sami vyrašać, jak z takimi pracavać. Astatnim ža ja rekamienduju trymacca ad takich jak maha dalej», — piša Mikałaj Statkievič.
-
Na mahile Viački Stankieviča na pomniku — ni słova pa-biełarusku. Voś pra što heta kaža nakont emihrantaŭ, emihracyi i «biełaruskaści ŭnukaŭ»
-
Lvoŭski: U Biełarusi nacyjanalnaje śviata — heta rycarskija turniry, u Rasii — sarafany i karahody
-
Praryŭ marakancaŭ u Sieutu: što heta było? Ci mahła heta być tonkaja pomsta Vašynhtona Madrydu? I ci adabjecca na lehalizacyi biełarusaŭ?
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu12
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary
Ludi dołžny znať o nich.