Padčas apošniaha ŭdaru ŭ noč na 5 žniŭnia ŭkrainskim siłam SPA nie ŭdałosia źbić nivodnaj rakiety.
Ministerstva abarony Niderłandaŭ paviedamiła, što kraina nie moža dać Ukrainie dadatkovyja rakiety dla sistem «Petryjot» sa svaich zapasaŭ, ale hatovaja razhledzieć inšyja varyjanty, jakija dapamohuć abaranić ukrainskaje nieba. Pra heta zajaviŭ pradstaŭnik vajennaha viedamstva krainy Kiejes Bakchiejs u piśmovym kamientary Ukrainskaj słužbie Radyjo Svaboda.
Paviedamleńnie źjaviłasia na fonie deficytu srodkaŭ baraćby z rasijskimi balistyčnymi rakietami, ź jakim sutyknułasia Ukraina pierad maštabnymi ŭdarami pa Kijevie i inšych haradach. Padčas apošniaha ŭdaru ŭ noč na 5 žniŭnia ŭkrainskim siłam SPA nie ŭdałosia źbić nivodnaj rakiety.
«My ŭžo pieradavali rakiety dla sistem Patriot, i pakul niama mahčymaści dać bolš rakiet z našych najaŭnych zapasaŭ. Razam z tym my adkrytyja dla razhladu lubych varyjantaŭ, jakija dapamohuć Ukrainie abaranić svajo nieba i svaich ludziej», — havorycca ŭ paviedamleńni Ministerstva abarony Niderłandaŭ.
Ukrainskija ŭłady ŭ apošni čas źviartajucca z prośbami ab pastaŭkach rakiet dla ZRK Patriot jak da ZŠA — vytvorcy hetych rakiet, tak i da jeŭrapiejskich krain.
2 žniŭnia na naradzie z vajennymi prezident Ukrainy Uładzimir Zialenski adznačyŭ, što sioleta Ukraina atrymała tolki treć rakiet-pierachopnikaŭ u paraŭnańni z takim ža pieryjadam 2025 hoda. Zialenski vykazaŭ upeŭnienaść, što ŭ partnioraŭ Ukrainy «jość rakiety», i patrebnyja tolki palityčnyja rašeńni.
Adnak najaŭnaść dastatkovaha zapasu rakiet, u pryvatnaści ŭ ZŠA, vyklikaje pytańni. Na minułym tydni Centr stratehičnych i mižnarodnych daśledavańniaŭ (CSIS) vykazaŭ mierkavańnie, što ZŠA padčas vajny suprać Irana vykarystali ŭžo bolš za pałovu ŭsich najaŭnych u arsienale rakiet dla Patriot i inšych padobnych sistem. Sa spasyłkaj na svaje krynicy pra heta paviedamlaŭ šerah ŚMI, u tym liku CNN.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary