Stała viadoma, jakoha śviatara-staraabradca zatrymali ŭ Pastaŭskim rajonie
Na minułym tydni ŭ Kuklanach prosta padčas bohasłužeńnia byŭ zatrymany hramadzianin Litvy, jaki nazyvaŭ siabie duchoŭnym nastaŭnikam miascovaj staraabradnickaj hramady. Jamu pahražaje departacyja.
Heta Michaił Rybakoŭ — nastaŭnik Pierałazskaj dreŭla-pravasłaŭnaj staraabradnickaj hramady ŭ Litvie, piša «Chryścijanskaja vizija».
Rybakoŭ — viadomaja fihura ŭ staraabradnickim śviecie krain Bałtyki. Jon dziesiacihodździami kiravaŭ Pierałazskaj hramadaj u Jonaŭskim rajonie Litvy i abaraniaŭ jaje niezaležnaść ad Litoŭskaj staraabradnickaj carkvy ŭ sudach až da Vyšejšaha administracyjnaha suda. Hramada pazicyjanuje siabie jak biespapoŭskuju duchoŭnuju ijerarchiju.
Zatrymańnie vyklikała abureńnie siarod miascovych viernikaŭ, adna z prychadžanak na publikacyju rajonnaj haziety pra zatrymańnie rezka adkazała: «Napisana chłuśnia. Čamu nie napisali, kolki Čałaviek zrabiŭ dla ludziej, prybraŭ Malennuju, pryvioŭ u paradak, sprabavaŭ vykupić stary dom, kab možna było jaho adnavić i pieradać dla hramady». Jana taksama adznačyła, što vykankam «ni na hram nie dapamoh słovam abo spravaj».
Kamientary