U Minsku na mižnarodnaj vystavie «Transpart i łahistyka-2026» byŭ pradstaŭleny novy elektraciahnik EP5N, raspracavany rasijskaj kampanijaj «TransMašChołdynh». Pakul heta tolki kanceptualnaja madel — realny ciahnik nie demanstravaŭsia, a pakazali tolki jaho virtualnuju viersiju, piša Blizko.by.
Ciahnik śpiecyjalna raspracavany z ulikam asablivaściaŭ biełaruskaj čyhunki. Jon nizkapadłohavy, što dazvalaje zručna zachodzić i vychodzić pasažyram na płatformach, jakija raspaŭsiudžanyja ŭ Biełarusi.
Maksimalnaja chutkaść ciahnika składaje da 160 km/h, a raźlikovy termin słužby — kala 40 hadoŭ. Sastaŭ moža ŭklučać ad čatyroch da dziesiaci vahonaŭ.
Unutry praduhledžanyja sučasnyja ŭmovy dla pasažyraŭ: šyrokija dźviery i prachody, miescy dla rovaraŭ i dziciačych vazkoŭ, infarmacyjnyja ekrany, Wi-Fi, USB-razietki, a taksama zaradki dla elektrasamakataŭ. Płanujucca i sučasnyja sanvuzły z dadatkovymi vyhodami.
Kabina mašynista sprajektavanaja tak, kab kiravańnie mahło rabicca adnym čałaviekam biez pamočnika. Dla hetaha pult raźmieščany pa centry, a taksama praduhledžanyja kamfortnyja ŭmovy pracy.
Dalejšaja realizacyja prajekta zaležyć ad taho, ci budzie pryniata rašeńnie ab vytvorčaści i zakupcy takich elektraciahnikoŭ dla vykarystańnia ŭ Biełarusi.
Ciapier čytajuć
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ11
Kamientary