Siarod inšych zapłanavanych vizitaŭ premjer Słavakii nazvaŭ pajezdku ŭ Narmandyju 6 červienia, vierahodnuju pajezdku ŭ ZŠA na śviatkavańnie 250‑hodździa niezaležnaści.
Premjer-ministr Słavakii Robiert Fica zajaviŭ, što nie vyklučaje vizitu ŭ Brest 22 červienia na mierapryjemstvy z nahody 85‑hodździa napadu nacysckaj Hiermanii na Saviecki Sajuz. Hetaja zajava prahučała ŭ kantekście jahonych słovaŭ pra źniešniuju palityku Słavakii. Videazapis vystupleńnia byŭ apublikavany ŭ fejsbuku, zaŭvažyŭ Reform.news.
Siarod inšych zapłanavanych vizitaŭ Fica nazvaŭ pajezdku ŭ Narmandyju 6 červienia, vierahodnuju pajezdku ŭ ZŠA na śviatkavańnie 250‑hodździa niezaležnaści, a taksama vizit u Polšču 1 vieraśnia — u dzień pačatku Druhoj suśvietnaj vajny.
Fica zajaviŭ, što viadzie dyjałoh adnačasova z ukrainskim i rasijskim prezidentami i maje namier praciahvać jaho niezaležna ad krytyki.
«U Jeŭrapiejskim sajuzie ja nie viedaju — i kažu heta z usioj surjoznaściu — nikoha, chto adnačasova viadzie dyjałoh i z rasijskim, i z ukrainskim prezidentam. Takoha palityka ŭ ES niama. Ja hety dyjałoh viadu i budu vieści dalej», — zajaviŭ jon.
Ciapier čytajuć
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»23
Kamientary