Minadukacyi raskazała, jak prajšoŭ centralizavany ekzamien pa dziaržaŭnych movach
Padčas praviadzieńnia centralizavanaha ekzamienu pa dziaržaŭnych movach u Biełarusi dvuch udzielnikaŭ vydalili z aŭdytoryj za parušeńnie praviłaŭ. Jak paviedamili ŭ Ministerstvie adukacyi, pryčynami stali vykarystańnie mabilnych telefonaŭ i sproba vynieści testavyja materyjały. Adznačajecca, što letaś było zafiksavana stolki ž padobnych vypadkaŭ.
Usiaho na ekzamien pa ruskaj i biełaruskaj movach zarehistravalisia bolš za 59 tysiač čałaviek, što krychu bolš, čym u papiarednim hodzie. Bolšaść vypusknikoŭ — zvyš 48,6 tysiačy — vybrali ruskuju movu, u toj čas jak biełaruskuju movu zdavali bolš za 10,4 tysiačy vučniaŭ.
Ad prachodžańnia ekzamienu byli vyzvalenyja 680 čałaviek. Heta vučni, jakija navučajucca doma, pieramožcy zaklučnaha etapu respublikanskaj alimpijady, a taksama tyja, chto atrymaŭ miedycynskija vyzvaleńni.
U vyniku da ekzamienu prystupili 58 879 čałaviek, što składaje 99,7% ad usich zarehistravanych. Nie źjavilisia 185 navučencaŭ — u asnoŭnym z-za chvaroby abo ŭdziełu ŭ spartyŭnych spabornictvach.
Adzin udzielnik nie zmoh zaviaršyć ekzamien pa stanie zdaroŭja — jamu była akazana nieabchodnaja dapamoha.
Dla arhanizacyi dastaŭki vypusknikoŭ da punktaŭ praviadzieńnia ekzamienu vykarystoŭvali 810 školnych aŭtobusaŭ, a ŭ aŭdytoryjach pracavali bolš za 6,8 tysiačy piedahohaŭ.
U Ministerstvie adukacyi nahadali, što tyja, chto nie zmoh zdać ekzamien pa ŭvažlivych pryčynach abo nie zaviaršyŭ jaho z-za stanu zdaroŭja, zmohuć zrabić heta ŭ reziervovy dzień — 22 červienia.
Ciapier čytajuć
Babaryka zojmiecca biznesam — užo adkryŭ kampaniju ŭ Hiermanii18
Babaryka zojmiecca biznesam — užo adkryŭ kampaniju ŭ Hiermanii
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary