Z 1 vieraśnia biełarusy 191 raz pahareli na sprobach aformić vizy ci haračyja tury praz sacsietki
Z 1 vieraśnia aŭtamatyzavanaja sistema Nacbanka zafiksavała 191 vypadak machlarstva pry afarmleńni vizy abo nabyćci «haračych» turaŭ. Ahulnaja suma strataŭ skłała 188 tysiač rubloŭ, paviedamlaje pres-słužba Nacbanka.
Fota ilustracyjnaje
Sutnaść schiemy nastupnaja: machlary ŭ sacyjalnych sietkach raźmiaščajuć pryvabnyja prapanovy afarmleńnia vizy abo prodažu turystyčnych pajezdak. Pad vyhladam mieniedžara abo ahienta jany źviazvajucca z klijentam i pierakonvajuć jaho zrabić papiaredniuju apłatu (vizy, strachoŭki, kvitkoŭ i h.d.).
Paśla pieraličeńnia hrošaj «pradstaŭnik kampanii» źnikaje, a vizu abo tur klijent nie atrymlivaje.
Dziela taho, kab paźbiehnuć padmanu, śpiecyjalisty rajać:
- staranna praviarać turfirmu abo vizavaje ahienctva, pierakanacca ŭ dziejnaści fizičnaha ofisa;
- nikoli nie pieraličvać hrošy na bankaŭskuju kartu fizičnaj asoby abo na čužy kryptakašalok.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam17
Kamientary