Usio pačałosia z paviedamleńnia ŭ miesiendžary nibyta ad supracoŭnika «Biełpošty», paviedamlaje pres-słužba MUS.
Nibyta dla ŭdakładnieńnia dadzienych dla «dastaŭki pasyłki» złamyśniki vymanili ŭ padletka asabistuju infarmacyju, a zatym — i SMS-kod.
Paśla hetaha junaku patelefanavaŭ mužčyna, pradstaviŭšysia «inśpiektaram ličbavaj biaśpieki». Jon pierakanaŭ padletka, što toj užo razmaŭlaŭ z machlarami i što ciapier ad jaho imia nibyta pravodziacca niezakonnyja finansavyja apieracyi. Pad pahrozaj budučaha «ahladu» mužčynu zapatrabavaŭ «zadekłaravać» usie hrošy, jakija znachodziacca doma.
Napałochany padletak adčyniŭ siamiejny siejf i pieradaŭ kurjeru $35 tysiač — usie aščadžeńni baćkoŭ.
Kurjera — 45‑hadovaha žychara Minskaj vobłaści — apieratyŭniki zatrymali. Vyjaviłasia, što jon sam raniej staŭ achviaraj machlaroŭ: pad pahrozaj «kryminalnaj adkaznaści» mužčyna vykonvaŭ ukazańni kurataraŭ i paśpieŭ zabrać hrošy nie tolki ŭ padletka, ale i ŭ piensijanierki, jakaja pieradała dla «dekłaravańnia» $10 tysiač.
Atrymanyja srodki kurjer pieradaŭ pasiarednicy — 73‑hadovaj žančynie. Jana pierasłała hrošy nieviadomamu arhanizataru schiemy.
Pa abodvuch faktach raspačaty kryminalnyja spravy.
Kamientary
Baćki zusim padurnieli, adkul u dziaciej kod ad sejfu?