Čutki pra admovu biełarusaŭ ad chatnich hadavancaŭ praz uviedzieny padatak nie paćvierdzilisia
Infarmacyja pra toje, što minskaja «Faŭna horada» nibyta pierapoŭnienaja z-za ŭviadzieńnia padatku na chatnich žyvioł, akazałasia tolki čutkami. Dyrektarka pradpryjemstva Nastaśsia Varabjova paviedamiła ahienctvu «Minsk-Naviny», što valjery ciapier zapoŭnienyja tolki na 61 pracent. Z 240 miescaŭ zaniatyja 147, pryčym katoŭ i sabak tam prykładna paroŭnu. Pa jaje słovach, mienavita z-za padatku nivodnaha hadavanca siudy nie prynosili.
Samymi častymi pryčynami, čamu žyvioły akazvajucca ŭ punkcie pryjomu, zastajucca alerhija ŭ členaŭ siamji abo śmierć uładalnika, kali jahonyja svajaki nie mohuć zabrać hadavanca sabie. Taksama častku žyvioł prosta adłoŭlivajuć na vulicach horada.
Umovy ŭtrymańnia tut dobryja: valjery prybirajuć kožny dzień da poŭdnia, tady ž žyvioł kormiać. Sabak, jakija da hetaha pryvučanyja, dvojčy na dzień vyhulvajuć va ŭnutranym dvoryku.
Pry pastupleńni kožnaha chvastataha ahladaje vieterynar i abaviazkova robić pryščepku ad šalenstva. Potym infarmacyju pra ich raźmiaščajuć na sajcie i ŭ sacsietkach, kab znajści novych haspadaroŭ. Kali sabaka vidavočna chatni, praź milicyju sprabujuć šukać staroha haspadara, ale toj nie zaŭsiody choča zabirać žyviolinu nazad.
Pierad tym jak addać hadavanca ŭ novuju siamju, supracoŭniki pravodziać surjoznaje sumoŭje. Jany praviarajuć umovy pražyvańnia i tłumačać, što ŭtrymańnie patrabuje finansavych vydatkaŭ, adkaznaści i času na vyhuł. Naprykład, žyćcio ŭ internacie ci na zdymnaj kvatery časta stanovicca pryčynaj, čamu žyvioł potym viartajuć nazad.
«Faŭnie horada» aktyŭna dapamahajuć vałanciory, jakija šukajuć dla žyvioł dom i dapamahajuć ź lačeńniem. Finansavuju dapamohu ad hramadzian punkt pakul nie prymaje, ale ŭ budučyni płanujuć adkryć dabračynny rachunak.
Pakul ža najlepšaja padtrymka — heta raspaŭsiud infarmacyi ŭ internecie abo rašeńnie zabrać kata ci sabaku da siabie. Tak, padčas vizitu žurnalistaŭ adna minskaja siamja vybrała i zabrała da siabie ŭ zaharadny dom čornaje ščania.
Kab nie płacić padatak na sabak, minčuki pačali zdavać ich u punkty adłovu
Jak zarehistravać kata ŭ Biełarusi: pakrokavaja instrukcyja
Va Uździenskim rajonie mužčyna pryviazaŭ sabaku ŭ lesie i pakinuŭ jaho tam na 10 dzion
U Hrodnie sabak vieźli ŭ adkrytym bahažniku, adzin ź ich vypaŭ padčas ruchu VIDEA
Kamientary