U akupavanym Sievastopali pačali abmiažoŭvać prodaž praduktaŭ u adny ruki
U anieksavanym Rasijaj jašče ŭ 2014 hodzie Sievastopali pačali ŭvodzić abmiežavańni na prodaž asobnych charčovych tavaraŭ. U niekatorych kramach pakupnikam dazvalajuć nabyvać nie bolš za try butelki raślinnaha aleju i try ŭpakoŭki makaronnych vyrabaŭ za adzin raz, piša The Moscow Times.
Hetyja miery źviazvajuć z prablemami ŭ zabieśpiačeńni Kryma tavarami i palivam, jakija ŭźnikli paśla paškodžańnia łahistyčnaj i naftavaj infrastruktury ŭ vyniku vajny.
Jašče ŭ mai ŭ Sievastopali byli ŭviedzienyja abmiežavańni na prodaž bienzinu — nie bolš za 20 litraŭ na čałavieka. Dla dyzielnaha paliva pačali vykarystoŭvać tałony, a paźniej paviedamlałasia pra časovy deficyt bienzinu marki AI-92 i AI-95.
U červieni miascovyja ŭłady abviaścili, što na častcy aŭtazapravačnych stancyj paliva budzie adpuskacca tolki pa raniej nabytych tałonach i taksama ŭ abmiežavanaj kolkaści. Dla kantrolu za vykanańniem hetych praviłaŭ na zapraŭkach arhanizavali dadatkovy nahlad.
Paźniej padobnyja abmiežavańni raspaŭsiudzilisia na ŭvieś Krym. Bienzin AI-95 pačali pradavać tolki pa tałonach, a AI-92 — nie bolš za 20 litraŭ na adzin aŭtamabil. Taksama było zabaroniena zalivać paliva ŭ kanistry. Z 4 červienia paviedamlałasia pra spynieńnie prodažu bienzinu za najaŭnyja hrošy.
Pa słovach miascovych žycharoŭ i ekśpiertaŭ, deficyt paliva ŭžo adbivajecca nie tolki na aŭtaŭładalnikach, ale i na ekanomicy ŭ cełym. Uzrastajuć vydatki na pieravozki, što moža ŭpłyvać na ceny na pradukty i pasłuhi. Taksama ŭźnikli ciažkaści ŭ rasijskich turystaŭ, jakija pryjechali na paŭvostraŭ na ŭłasnych aŭtamabilach i sutyknulisia z prablemami pry nabyćci paliva dla zvarotnaj darohi.
Biełarusy horača spračajucca, ci varta pryviazvać dapamohu na dzicia da zarobku maci51
Biełarusy horača spračajucca, ci varta pryviazvać dapamohu na dzicia da zarobku maci
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary