Rasijskija akupacyjnyja ŭłady tak zvanaj «Łuhanskaj narodnaj respubliki» ŭ aŭtorak uviali limit na prodaž paliva pryvatnym asobam. Ciapier u adny ruki adpuskajuć nie bolš za 20 litraŭ na sutki. Raniej anałahičnyja abmiežavańni pačali dziejničać u anieksavanym Krymie.
Pry hetym uviadzieńnie limitaŭ akupacyjnyja ŭłady tłumačyć nie ŭdarami ŭkrainskich bieśpiłotnikaŭ pa naftabazach i NPZ, a «pavieličeńniem popytu».
«Z ulikam tych zapasaŭ, jakija jość siońnia ŭ Łuhanskaj Narodnaj Respublicy, a taksama ŭličvajučy rost popytu z boku nasielnictva za minułyja niekalki dzion, isnuje ryzyka ŭźniknieńnia deficytu. Pryniata rašeńnie ab abmiežavańni prodažu bienzinu marak AI-95, AI-92 i DT — nie bolš za 20 ł. Zabarona taksama raspaŭsiudžvajecca na pradažu bienzinu ŭ taru», — cytujuć rasijskija ahienctvy zajavu miascovaha ministra paliva i enierhietyki.
U toj ža čas ekśpierty źviazvajuć paliŭny kryzis na akupavanych terytoryjach z aktyvizacyjaj Sił abarony Ukrainy.
Kryzis vyklikany pavietranaj błakadaj ukraincami trasy R-280 «Navarosija» (Rastoŭ-na-Donie — Simfieropal), jakaja stała asnoŭnym maršrutam pastavak paśla abmiežavańnia ruchu praz Krymski most i Kierčanski praliŭ.
Ukrainskija vajskoŭcy ŭ miežach prahramy masava atakujuć transpart zabieśpiačeńnia z dapamohaj dronaŭ. Analityki paćviardžajuć sotni vypadkaŭ źniščeńnia hruzavikoŭ u tyle, što paralizavała rasijskuju łahistyku i pakinuła paŭvyspu biez paliva.
Kamientary