Turaŭski małočny kambinat pierajšoŭ pad amal poŭny kantrol bratoŭ-biznesmienaŭ
Biznesmieny Dźmitryj i Valancin Bajko jašče bolš umacavali svaje pazicyi na Turaŭskim małočnym kambinacie. U toj ža čas kampanija «Freščyz», źviazanaja z adnym iz zasnavalnikaŭ pradpryjemstva Iharam Čarniaŭskim, amal całkam vyjšła sa składu akcyjanieraŭ i rychtujecca da likvidacyi, piša Office Life.
U mai i červieni «Freščyz» pradała na biržavych tarhach 10 599 akcyj kambinata, što składaje 35,5% statutnaha fondu. Suma ździełki skłała 45,4 miljona rubloŭ.
Paśla hetaj ździełki doli ŭ pradpryjemstvie pavialičyli Dźmitryj i Valancin Bajko, a taksama Ryčard Šeral. U vyniku Dźmitryj Bajko atrymaŭ uskosny kantrol nad bolš čym 81% akcyj kambinata, Valancin Bajko — nad bolš jak 57%, a Ryčard Šeral — nad 8,6%.
Kanflikt vakoł «Freščyz» doŭžycca ŭžo niekalki hadoŭ. Kampanija akazałasia ŭ pracedury bankructva paśla karparatyŭnaj sprečki pamiž Iharam Čarniaŭskim i saŭładalnikami hrupy «Konte Spa». Baki pa-roznamu aceńvali mahčymaść pahašeńnia zapazyčanaściaŭ za košt aktyvaŭ kampanii.
U 2025 hodzie pravodziłasia acenka koštu akcyj Turaŭskaha małočnaha kambinata. Roznyja ekśpierty pryjšli da istotna roznych vynikaŭ, tamu kančatkovuju realnuju vartaść akcyj sud prapanavaŭ vyznačać praź biržavyja tarhi.
U lutym 2026 hoda sud pryznaŭ «Freščyz» niepłaciežazdolnaj kampanijaj i pastanaviŭ likvidavać jaje da 14 lipienia 2026 hoda. Takim čynam, kantrol nad Turaŭskim małočnym kambinatam faktyčna pierachodzić da bratoŭ Bajko i ich partnioraŭ.
Połacki małočny kambinat pajšoŭ u bankructva
Połacki małočny kambinat pradali «Savuškavamu praduktu»
«Usio pradali ŭ Rasiju?» Ź biełaruskich kram źnik papularny pradukt
Dziaržaŭny znak jakaści prysvoili tolki adnoj ź dźviuch biełaruskich zhuščonak. Dyk Hłybokaje ci Rahačoŭ?
U małace ad «Małočnaha śvietu» zaŭvažyli čorny asadak na dnie
Kamientary