Połacki małočny kambinat apynuŭsia ŭ ciažkim finansavym stanoviščy i sam padaŭ zajavu na bankructva. Hetaje pytańnie razhladałasia ŭ Ekanamičnym sudzie Viciebskaj vobłaści, piša Office Life.
Pavodle sudovych dakumientaŭ, ahulnaja zapazyčanaść pradpryjemstva składaje bolš za 377 miljonaŭ rubloŭ, ź jakich kala 71 miljona — užo praterminavanyja daŭhi. Suprać kambinata adkryta kala 930 vykanaŭčych vytvorčaściaŭ na značnyja sumy ŭ roznych valutach. Pry hetym usie aktyvy pradpryjemstva aceńvajucca prykładna na
260 miljonaŭ rubloŭ, i značnaja ich častka znachodzicca ŭ zakładzie.
Na kambinacie pracuje bolš za 1300 čałaviek, i jon źjaŭlajecca važnym dla horada pradpryjemstvam. Amal całkam (bolš jak na 99%) jon naležyć dziaržavie i vypuskaje małočnuju pradukcyju pad roznymi brendami.
Raniej paviedamlałasia, što hetaje pradpryjemstva pavinna pierajści pad kiravańnie bujnoha chołdynhu «Savuškaŭ pradukt». Płanujecca, što chołdynh vykupić majomaść kambinata, układzie kala 70 miljonaŭ jeŭra i stvoryć na jaho bazie sučasnuju vytvorčaść.
Na pieršy pohlad, padača na bankructva vyhladaje niečakana, ale, chutčej za ŭsio, heta techničny krok, źviazany ź vialikimi daŭhami i patrabavańniami zakanadaŭstva. Sam chołdynh «Savuškaŭ pradukt» zajaŭlaje, što nie admaŭlajecca ad svaich płanaŭ: jon maje namier nabyć majomaść kambinata praz aŭkcyjon paśla jaje acenki ŭ miežach pracedury bankructva.
Sud užo raspačaŭ praces bankructva i pryznačyŭ antykryzisnaha kiraŭnika. Nastupnaje pasiadžeńnie pa hetaj spravie zapłanavana na kaniec lipienia.
Połacki małočny kambinat pradali «Savuškavamu praduktu»
U Rasii niezadavoleny «Savuškavym praduktam» i «Siervaluksam»: u ich tvarahu znajšli niebiaśpiečnaje rečyva
Jak Brestčyna z «achviary industryjalizacyi» pieratvaryłasia ŭ pramysłovaha lidara krainy
«Usio pradali ŭ Rasiju?» Ź biełaruskich kram źnik papularny pradukt
«Savuškavu» prapanavali pabudavać pieršy zavod u Rasii
Kamientary