U TikTok źjaviłasia videa, na jakim biełaruska pakazała niezvyčajny vyhlad małaka ad viadomaha ajčynnaha vytvorcy. Na dnie ŭpakoŭki byŭ zaŭvažany čorny asadak, što vyklikała ŭ ludziej pytańni pra jakaść i biaśpieku hetaha praduktu, piša BGMedia.
Pra padobny vypadak paviedamlała raniej žycharka Kobryna, ale pra inšuju firmu — «Minskuju marku». Pa słovach žančyny, małako mieła nievynosny pach i smak, niahledziačy na jašče dziejny termin prydatnaści.
Hetym razam u TikTok paskardzilisia na małako ad AAT «Małočny śviet». Na fatazdymkach, jakimi padzialiłasia karystalnica Natalla, bačna, što termin prydatnaści praduktu jašče nie skončyŭsia. Ale na im užo možna pabačyć toje, što vyhladaje jak prykmiety psavańnia.
U kamientarach pad videa ŭ tyktoku mnohija biełarusy adznačyli, što «biełaruskaja małočka sapsavałasia». Karystalniki vykazali roznyja zdahadki pra mahčymyja pryčyny. Adnyja ličać, što na ajčynnych pradpryjemstvach šyroka vykarystoŭvajuć «chimiju ŭ sinich paraškach». Inšyja miarkujuć, što prablema moža być u tym, što «najlepšaja pradukcyja idzie na ekspart», a tamu na ŭnutrany rynak traplaje nie zaŭsiody jakasny tavar.
-
«Znajomy pracavaŭ na małočnym pieršym kambinacie, raskazvaŭ, jak cysternami zavoziać chimiju ŭ vyhladzie sinich paraškoŭ».
-
«Dyk małaka daŭno niama. Fiermaŭ niama!».
-
«Tamu što pjom chimiju, karoŭ niama».
-
«Chto tam kaža pra biełaruskuju jakaść?»
-
«Jakaść našaj pradukcyi daŭno źmianiłasia, asabliva małočka. Usio najlepšaje na ekspart».
Niekatoryja karystalniki ŭpeŭnienyja, što prablema nie ŭ jakaści samoha praduktu, a ŭ tary.
«Heta nie asadak, a prosta brudnaja butelka zvonku abo defiekt płastyku», — vykazaŭsia adzin z karystalnikaŭ.
Ale byli i inšyja viersii: častka ludziej paličyła, što małako mahło «padhareć» padčas apracoŭki, bo «ŭ ultraŭstanoŭcy tempieratura dachodzić da 120 hradusaŭ».
Skandalnyja katlety z hruzinskaj kramy akazalisia sapraŭdy biełaruskimi. «Dziubaŭ, łap i chvastoŭ» unutry nie znajšli
U Hruzii pradajucca vielmi niasmačnyja biełaruskija katlety. Ale ci nasamreč jany biełaruskija?
Čamu ciapierašniaja tušonka zachoŭvajecca tolki 2 hady, a ŭ savieckija časy ŭ razy daŭžej?
U babrujskaj škole dziaciej karmili hniłoj aharodninaj
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary