U Biełarusi za 5 hadoŭ chočuć pazbycca ryby, sadaviny i harodniny z «niedružalubnych» krain
U najbližejšyja piać hadoŭ Biełaruś płanuje całkam zamiaścić pastaŭki ryby, sadaviny i harodniny z krain, jakija biełaruskija ŭłady ličać niedružalubnymi. Pra heta na Pieciarburhskim mižnarodnym ekanamičnym forumie paviedamiła namieśnica ministra sielskaj haspadarki i charčavańnia Natalla Šaŭcova.
Pavodle słoŭ čynoŭnicy, nieabchodnyja abjomy pradukcyi płanujecca atrymlivać za košt ułasnaj vytvorčaści, a taksama pastavak z krain-partnioraŭ.
Adnačasova adnoj z hałoŭnych zadač dla biełaruskaha ahrarnaha siektara zastajecca pavieličeńnie ekspartu. Asablivaja ŭvaha budzie nadavacca vytvorčaści pradukcyi z vysokaj dadatkovaj vartaściu, pahłyblenaj pierapracoŭcy syraviny, a taksama raźvićciu sielekcyi, hienietyki i vieterynarnych technałohij.
Šaŭcova adznačyła, što paśla źmieny mižnarodnych handlovych patokaŭ Biełaruś pieraaryjentavała značnuju častku źniešniaha handlu z zachodnich rynkaŭ na krainy Uschodu i Poŭdnia. U pryvatnaści, istotna vyraśli pastaŭki charčovaj pradukcyi ŭ Kitaj, krainy Piersidskaha zaliva i Paŭdniova-Uschodniaj Azii.
Padčas hetaj dyskusii taksama prahučała, što ŭzrovień samazabieśpiačeńnia charčavańniem u Biełarusi nibyta pieravyšaje 95 pracentaŭ, što źjaŭlajecca adnym z samych vysokich pakazčykaŭ siarod krain Jeŭrazijskaha ekanamičnaha sajuza.
Kamientary