ES abiacaŭ Armienii 50 miljonaŭ jeŭra ekanamičnaj dapamohi ŭ handlovaj vajnie z Rasijaj
Raniej Maskva ŭviała ŭ adnosinach da Armienii šerah handlovych abmiežavańniaŭ, uklučajučy zabaronu na pastaŭku sadaviny, harodniny, kvietak, ryby, minieralnaj vady i inšych tavaraŭ.
Jeŭrasajuz anansavaŭ pakiet ekanamičnaj dapamohi Jerevanu ŭ pamiery 50 młn jeŭra na fonie ŭzmacnieńnia cisku z boku Rasii. Pra heta piša Reuters sa spasyłkaj na staršyniu Jeŭrakamisii Ursułu fon dier Lajen.
Raniej Maskva ŭviała ŭ adnosinach da Armienii šerah handlovych abmiežavańniaŭ, uklučajučy zabaronu na pastaŭku sadaviny, harodniny, kvietak, ryby, minieralnaj vady i inšych tavaraŭ, a taksama pahražała «scenaram Ukrainy» za kurs na zbližeńnie ź ES. Staršynia JEK nazvała takija dziejańni RF «ekanamičnym prymusam» i zajaviła pra nieprymalnaść padobnych mier.
«Praciahvajučy abmiežavańni na ekspart armianskich tavaraŭ, Maskva pieratvaraje ekanamičnyja adnosiny ŭ zbroju palityčnaha cisku. My zanadta dobra znajomyja z hetym scenaram. Mienavita tamu Jeŭropa ćviorda padtrymlivaje Armieniju. My rychtujem pakiet dapamohi z boku ES», — cytuje Reuters fon dier Lajen.
Jana adznačyła, što takoje rašeńnie było pryniata paśla razmovy z premjer-ministram Armienii Nikołam Pašynianam.
7 červienia ŭ Armienii pavinny prajści parłamienckija vybary.
Kamientary