ЕС абяцаў Арменіі 50 мільёнаў еўра эканамічнай дапамогі ў гандлёвай вайне з Расіяй
Раней Масква ўвяла ў адносінах да Арменіі шэраг гандлёвых абмежаванняў, уключаючы забарону на пастаўку садавіны, гародніны, кветак, рыбы, мінеральнай вады і іншых тавараў.
Еўрасаюз анансаваў пакет эканамічнай дапамогі Ерэвану ў памеры 50 млн еўра на фоне ўзмацнення ціску з боку Расіі. Пра гэта піша Reuters са спасылкай на старшыню Еўракамісіі Урсулу фон дер Ляен.
Раней Масква ўвяла ў адносінах да Арменіі шэраг гандлёвых абмежаванняў, уключаючы забарону на пастаўку садавіны, гародніны, кветак, рыбы, мінеральнай вады і іншых тавараў, а таксама пагражала «сцэнарам Украіны» за курс на збліжэнне з ЕС. Старшыня ЕК назвала такія дзеянні РФ «эканамічным прымусам» і заявіла пра непрымальнасць падобных мер.
«Працягваючы абмежаванні на экспарт армянскіх тавараў, Масква ператварае эканамічныя адносіны ў зброю палітычнага ціску. Мы занадта добра знаёмыя з гэтым сцэнарам. Менавіта таму Еўропа цвёрда падтрымлівае Арменію. Мы рыхтуем пакет дапамогі з боку ЕС», — цытуе Reuters фон дер Ляен.
Яна адзначыла, што такое рашэнне было прынята пасля размовы з прэм’ер-міністрам Арменіі Ніколам Пашынянам.
7 чэрвеня ў Арменіі павінны прайсці парламенцкія выбары.
-
Слон з мёртвым сланянём, каёт у Сан-Францыска, пума на агароджы… Вось якія работы сталі сёлетнімі пераможцамі конкурсу «Фатограф года дзікай прыроды»
-
Ілан Маск: Starlink нельга выкарыстоўваць для наступальных дзеянняў, а хуткасць і параметры вайсковых тэрміналаў вызначаюць Пентагон і Трамп
-
Для ўезду ў Казахстан беларусам трэба будзе запытваць пропуск за тры дні
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары