Padatkovaja naviedałasia da viadomaha minskaha błohiera-haražnika. Kažuć, što toj pracavaŭ nielehalna
Padatkaviki kažuć, što pryjšli paśla taho, jak na aŭtamalara-błohiera nastučaŭ nieabyjakavy hramadzianin.
Prafiłaktyčnaja razmova i sud
U haraž da błohiera pryjechali ABEPaŭcy i padatkaviki. Jak paviedamiła minskaja padatkovaja, vyśvietliłasia, što mužčyna pracavaŭ nielehalna.
Nielehalny prybytak, jak i sami maštaby biznesu, praviarajučyja orhany acenili jak nievialikija.
Z błohieram praviali prafiłaktyčnuju razmovu nakont lehalizacyi biznesu, a kančatkovuju acenku dziejnaści budzie davać sud.
Mahčyma, vy jaho ŭžo bačyli
Pa fota možna zrazumieć, što pravierka była ŭ haražy minskaha błohiera Dzimy, bolš viadomaha jak dimidoz.
Ścieny, na jakich napisany jaho słohan «rabi praściej — lahčej žyć», pryčep i siniaja płastykavaja bočka supadajuć z tymi, što možna ŭbačyć u videa.
Mužčyna maje 62 tysiačy padpisčykaŭ u instahramie, bolš za 100 tysiač u tyktoku i 12 tysiač na jutubie.
Dźmitryj atrymaŭ viadomaść praz toje, što ŭ svaich rolikach pakazvaje haražny ramont starych karčej biez prykras i adznačaje, što nie harantuje vysokaj jakaści za vykananyja pracy.
Jon pakazvaje, jak zahaniaje mantažnuju pienu ŭ parohi aŭtamabila zamiest ich zamieny i jak zakatvaje dyry ŭ dniščy aŭto rubieroidam, ci jak adpaliroŭvaje pažaŭciełyja fary pastaj dla zuboŭ.
Minułym letam błohier byŭ navat udzielnikam rasijskaj pieradačy «Davaj požienimsia».
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami15
Kamientary
A tak parień chorošij, rasskazyvajet intieriesno.