Prarasijskija partyi prajhrali ŭ Armienii, partyja Pašyniana atrymaje 60% miescaŭ u parłamiencie
Sistema ŭ Armienii praparcyjnaja, ale mandaty dzielacca tolki pamiž tymi, chto pieraadoleŭ prachodny barjer.
Na parłamienckich vybarach u Armienii 7 červienia partyja premjera Nikoła Pašyniana «Hramadzianski dahavor» nabrała 49,81% hałasoŭ. Heta mienš za pałovu — ale ŭ parłamiencie jana atrymaje kala 58% mandataŭ i zachavaje adnapartyjnuju bolšaść.
Pavodle papiarednich vynikaŭ, paroh pieraadoleli čatyry siły:
- «Hramadzianski dahavor» (Pašynian) — 49,81% (727 160 hałasoŭ);
- błok «Mocnaja Armienija» — 23,29% (340 062);
- błok «Armienija» — 9,94% (145 097);
- partyja «Kvitniejučaja Armienija» — 4,00% (58 368).
Astatnija partyi ŭ parłamient nie adoleli vybarčaha barjera.
U pieraliku na 101 mandat heta daje prykładna taki raskład: «Hramadzianski dahavor» — kala 59 miescaŭ, «Mocnaja Armienija» — 27, «Armienija» — 11, «Kvitniejučaja Armienija» — 4.
Sistema ŭ Armienii praparcyjnaja, ale mandaty dzielacca tolki pamiž tymi, chto pieraadoleŭ prachodny barjer. Mietad d'Onta, pavodle jakoha ŭ Armienii raźmiarkoŭvajuć miescy, dadatkova krychu padkidaje mandataŭ najbujniejšaj partyi.
Jaŭka skłała amal 59% — prykmietna vyšej, čym na minułych vybarach. Hałasavańnie prajšło na fonie razvarotu Armienii ad Rasii da Jeŭropy: Pašynian išoŭ pa mandat na prajeŭrapiejski kurs, a siarod jaho apanientaŭ — prarasijskija siły, u tym liku błok «Mocnaja Armienija» rasijska-armianskaha biznesmiena Samvieła Karapieciana.
Vyniki pakul papiarednija — kančatkovyja Centrvybarkam Armienii musić abviaścić paźniej. Dakładnaja kolkaść mandataŭ moža krychu źmianicca praz asablivaści padliku i čatyry miescy, zareziervavanyja dla nacyjanalnych mienšaściaŭ, ale ahulny raskład sił zastaniecca tym samym.
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami21
Kamientary
Armianam??? NIE
Nakont Hruzii kamientavał Madziara ..zaraz Pašynian ...
Słuchajcie siudy...mianie)))))