U mai USU vyzvalili amal na 100 kvadratnych kiłamietraŭ bolš, čym stracili — Syrski
Z pačatku hoda USU vyzvalili 600 kvadratnych kiłamietraŭ ukrainskaj ziamli.
Hałoŭnakamandujučy Uzbrojenymi siłami Ukrainy Alaksandr Syrski padvioŭ vyniki dziejnaści vojskaŭ za maj. Pavodle jaho słoŭ, niahledziačy na žorstki nacisk rasijskaha vojska, ukrainskim siłam udałosia nanieści vorahu surjoznyja straty, u tym liku ekanamičnyja straty ŭ tyle.
Pavodle Syrskaha, situacyja na linii sutyknieńnia zastajecca składanaj i dynamičnaj — rasijskija vojski nie spyniajuć sprob prasoŭvańnia na ŭschodzie i poŭdni Ukrainy, a intensiŭnaść bajoŭ istotna vyrasła. Najbolš haračymi punktami zastajucca Pakroŭski, Alaksandraŭski i Hulajpolski kirunki.
Tym nie mienš, Siły abarony Ukrainy ŭtrymlivajuć inicyjatyvu na asobnych učastkach.
«Pa vynikach aktyŭnych dziejańniaŭ u mai suadnosiny vyzvalenych i stračanych terytoryj składajuć amal +100 kvadratnych kiłamietraŭ na našu karyść. Usiaho z pačatku hoda vyzvalena bolš za 600 kvadratnych kiłamietraŭ ukrainskaj ziamli», — skazaŭ Syrski.
Asobna jon vyłučyŭ pracu sistem dalokaha dziejańnia (Deep Strike), jakija metanakiravana bili pa ekanomicy, što absłuhoŭvaje vajnu. Za miesiac było atakavana 111 varožych abjektaŭ vajskova-pramysłovaha kompleksu, enierhietyki i paliŭnaj infrastruktury.
«Pramaja i ŭskosnaja ekanamičnaja škoda, naniesienaja praciŭniku ŭ vyniku apieracyj Deep Strike u mai, skłała kala 1,058 młrd dalaraŭ», — skazaŭ Syrski.
Kiraŭnik USU taksama dadaŭ, što ŭpieršyniu ŭ miežach adzinaj zadumy była realizavana sieryja paśpiachovych udaraŭ pa abjektach VPK i paliŭna-enierhietyčnaha kompleksu niepasredna na terytoryi Maskvy i Maskoŭskaj vobłaści.
-
Zialenski pravioŭ kansultacyi z kamandzirami karpusoŭ i doŭha razmaŭlaŭ ź Fiodaravym. Fiodaraŭ: Dyjałoh jość, vieru, što ŭsio ŭdasca
-
Žonka zakaciła skandał, a jon usio adno pajechaŭ u akopy. Historyja biełarusa, jaki apynuŭsia na vajnie praz daŭhi i strach stracić žyllo
-
Paśla ataki pa dvuch składach Wildberries mahli paciarpieć da 15% składskich płoščaŭ kampanii
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary
Čamu na NN rehularna baču spasyłki na roznyja rasiejskamoŭnyja krynicy, a na nie rasiejskija časta adsutničajuć?