«Niešta dramatyčnaje nie było pieradadziena». Franak Viačorka prakamientavaŭ skandał z Alinaj Charysavaj
Pa spravie palitołaha Aliny Charysavaj idzie pravierka, ciapier vyśviatlajecca, jakaja infarmacyja była pieradadziena ci nie pieradadziena «SBU» (a nasamreč — KDB), paviedamiŭ u efiry telekanała «Biełsat» hałoŭny daradca Śviatłany Cichanoŭskaj Franak Viačorka. Zrešty, jak jon skazaŭ, u jaho «niama adčuvańnia», što biełaruskija śpiecsłužby atrymali «niešta dramatyčnaje».
«Pakul što niama takoha adčuvańnia, što niešta dramatyčnaje było pieradadziena. Chutčej za ŭsio, heta tolki pierapiska, jakuju ŭžo pakazali pa telebačańni i asabistyja tam niejkija acenki», — skazaŭ hałoŭny daradca Śviatłany Cichanoŭskaj Franak Viačorka ŭ efiry «Studyi Biełsat», kamientujučy skandał z Alinaj Charysavaj.
«Režymu treba było dadać koleraŭ i smaku va ŭsiu hetuju historyju», — zaznačyŭ Viačorka.
Jon ličyć, što ŭ hetaj situacyi spracavaŭ čałaviečy faktar. Śpiecsłužby šukajuć słabyja miescy, jakija jość u ludziej, kali jany ŭ ciažkim psichałahičnym stanie, i «jany pišuć listy, pišuć zapyty na supracoŭnictva, prapanujuć biaśpiečnaje viartańnie, šantažujuć blizkimi, zatrymlivajuć baćkoŭ, zvoniać z telefonaŭ rodnych»:
«Apošni hod heta adbyłosia masava. I my pravodzili instruktaž siarod usich našych kaleh, i tych, chto pracuje ŭ štacie, ci tych, chto pazaštatna vałanciorami, jak Alina, kab jany ni ŭ jakim razie nie adkazvali na paviedamleńni, ale nu bačycie, što čałaviečy faktar usio roŭna daje zboj».
Viačorka zaklikaŭ dbać pra biaśpieku i infarmacyjnuju hihijenu, nie rassłablacca ŭ emihracyi:
«Mnohija ludzi, jakija žyvuć za miažoj, nie adčuvajuć represiŭnaha aparatu, nie adčuvajuć, što KDB pracuje. A suprać nas vializnaja sistema, tysiačy ludziej kožny dzień pracujuć i šukajuć našy słabyja miescy, tamu treba rabić vysnovy, pryznavać pamyłki, dzie jany byli, treniravać ludziej. Treba kožny miesiac, kožny hod pravodzić treninhi nanova, nikoli nie byvaje heta zališnie».
Daradca Cichanoŭskaj taksama adznačyŭ, što meta takich apieracyj KDB — nie tolki pasprabavać zdabyć infarmacyju. Tamu varta «trymać duch»:
«Ichniaja zadača — pasiejać niedavier, kab my nie daviarali adno adnamu, i ŭsie ŭsich padazravali».
Palitołah Alina Charysava pahadziłasia supracoŭničać z SBU. Akazałasia, heta byŭ KDB
Charysava raskazała, čamu paviałasia na pravakacyju KDB
Delehatcy KR Alaksandry Mamajevaj vynieśli votum niedavieru ŭ jaje ž frakcyi
Delehatka KR Mamajeva: Adno z abvinavačvańniaŭ, što ja pierasyłała skrynšoty ŭnutranaj pierapiski śpisu inšym asobam
Ciapier čytajuć
Što ciapier ź italjanskimi vizami? Masavyja admovy? Turfirmy nazyvajuć alternatyvu5
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary
Atrymlivajecca, heta nie vaša adkaznaści za taki voś instruktaž, a heta ŭsia vina Aliny?