Hiendyrektarka «Kamvola» narakaje, što biełarusy mała pracujuć — a treba jak efiopy i indzijcy
«Kali my prychodzim na pracu, my spačatku papjom harbatu, raskažam susiedcy, jak my zakvasili kapustu, a na pracy jak minimum chacia b 8 hadzin treba pracavać».
Hienieralnaja dyrektarka «Kamvola» Taćciana Łuhina parazvažała, što biełarusy pracujuć nie tak addana, jak inšyja.
«U lutym pryjazdžali našy partniory ź Indyi, kampanija, jakaja zajmajecca pastaŭkaj vaŭnianaha topsu, u ich u Indyi jość vialikaja fabryka pa vytvorčaści vaŭnianaj pražy. Ja prasiła ŭ hetaha indusa, jon dastatkova małady, biznesmien suśvietnaha maštabu. Ja kažu: ci moža jon mnie dać na hod-dva niekalki pradzilščykaŭ, u ich mužčyny hetaj spravaj zajmajucca. Ja chaču pahladzieć ich kampietencyi, kvalifikacyju, chutkaść pracy. Moža być, jany chutčejšyja, sprytniejšyja. I našym žančynam budzie pryjemna pahladzieć ci karysna navat. Moža, niedzie nałada abstalavańnia. To-bok dośvied.
Na što jon mnie skazaŭ: ja z zadavalnieńniem vam by daŭ, ale nie mahu, tamu što vy pracujecie pa 8 hadzin, u nas pracujuć pa 12. U vas pracujuć usie pavolna, ja nie chaču, kab maje ludzi zapavolili temp», — vykazałasia jana na STB.
Łuhina zaŭvažaje: šmat času na pracy idzie na razmovy i harbatu.
«Kali my prychodzim na pracu, my spačatku papjom harbatu, raskažam susiedcy, jak my zakvasili kapustu, a na pracy jak minimum chacia b 8 hadzin treba pracavać. Ja ŭsim kažu, pracujem my šmat časam nie tamu, što kiraŭniki prymušajuć zastacca, u subotu vyjści, tamu što my prosta navat 8 hadzin časam nie adpracoŭvajem».
Jana pryvodzić u prykład efiopaŭ.
«U nas jość efiopy, jakija pa našych mierkach za prymalny ŭzrovień apłaty vykonvajuć hetuju pracu i adčuvajuć siabie cudoŭna. I pieršy čas znoŭ ža kazali: «Dajcie bolš pracy, dajcie bolš pracy».
To-bok ludzi z tych krain pracujuć vielmi šmat. My žyviom u sacyjalna aryjentavanaj dziaržavie, što nie kožny da kanca razumieje, u jakim ščaści my žyviom, pracujučy pa 8, a to časam i mienš hadzin, i viedajučy ŭsie ŭmovy pracy, jakija nam pavinny zabiaśpiečyć», — padsumavała Łuhina.
Ciapier čytajuć
Brat Koli Łukašenki buduje farmaceŭtyčny kompleks za $10 miljonaŭ10
Brat Koli Łukašenki buduje farmaceŭtyčny kompleks za $10 miljonaŭ
I pra realnych bandytaŭ, i pra kryvarukaha Kościu-plitačnika, i pra seks u ciahniku. Žurnalistka z Homiela napisała knihu — čytać jaje strašna i śmiešna1111
Kamientary