Rasijski dron źniščyŭ draŭlanuju kazackuju carkvu XVIII stahodździa na Chiersonščynie
U horadzie Bierysłaŭ Chiersonskaj vobłaści ŭ vyniku ataki rasijskaha bieśpiłotnika była źniščana Śviata-Uviadzienskaja carkva — pomnik architektury XVIII stahodździa. Paśla ŭdaru chram zahareŭsia i byŭ całkam źniščany, paviedamiła Chiersonskaja abłasnaja dziaržaŭnaja administracyja.
Abłasnyja ŭłady paviedamili, što heta była adzinaja va Ukrainie zachavanaja draŭlanaja kazackaja śviatynia taho pieryjadu. Carkvu ŭźviali ŭ 1725 hodzie ŭ krepaści Pieravałočnaja z dubovych biarvionaŭ biez vykarystańnia mietaličnych ćvikoŭ.
U 1784 hodzie kazaki razabrali chram, spłavili jaho pa Dniapry ŭ Bierysłaŭ i znoŭ sabrali na novym miescy. Z taho času jon byŭ ciesna źviazany z historyjaj uźniknieńnia i raźvićcia horada.
Spačatku carkva była aśviečanaja ŭ honar Uvaskrasieńnia Chrystovaha. U 1853 hodzie jaje pieranieśli na Uviadzienskija mohiłki i paŭtorna aśviacili ŭ honar Uviadzieńnia ŭ chram Najśviaciejšaj Baharodzicy.
U saviecki pieryjad chram zakryli i vykarystoŭvali jak skład. U peŭny momant jaho navat płanavali razabrać na drovy. Nabaženstvy ŭ carkvie byli na karotki čas adnoŭlenyja tolki padčas Druhoj suśvietnaj vajny.
Paśla pačatku poŭnamaštabnaj rasijska-ŭkrainskaj vajny chram zastavaŭsia ŭ kiravańni Novakachoŭskaj jeparchii Ukrainskaj pravasłaŭnaj carkvy Maskoŭskaha patryjarchatu.
Pavodle infarmacyi chiersonskaha vydańnia «Most», u žniŭni 2023 hoda Bierysłaŭskaja haradskaja vajskovaja administracyja źviartałasia ŭ Ministerstva kultury i infarmacyjnaj palityki Ukrainy z prapanovaj viarnuć chram u dziaržaŭnuju ŭłasnaść, adnak hety zvarot nie atrymaŭ adkazu.
Ludzi na paŭnočnaj Čarnihaŭščynie: U nas niama nianaviści da biełarusaŭ, my ź imi pieramiašanyja. A da Rasii jość
U Dnieprapiatroŭskaj vobłaści rasijski dron trapiŭ u maršrutku ź ludźmi
Šmatdzietnuju siamju pad Kryvym Roham zabiła rakieta z KNDR
«Tempy nastupleńnia Rasii źnizilisia ŭ razy». Vajennyja analityki — pra toje, jak za leta źmianiŭsia chod vajny va Ukrainie
Ciapier čytajuć
Pieršaha namieśnika hiendyrektara «Biełviesta» pasadzili na try z pałovaj hady za palityku7
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1717
Kamientary