Raźvitańnie z Majaj Klaštornaj, viadomaj architektarkaj i dačkoj rasstralanaha ŭ časy stalinščyny paeta Todara Klaštornaha adbudziecca zaŭtra, 4 žniŭnia, u Śviata-Jelisaviecinskim manastyry pa adrasie Vyhockaha, 2, u 10:00 ranicy, paviedamiła jaje siamja.
Maja Klaštornaja — viadomaja architektarka, jakaja šmat zrabiła dla ŭviekaviečańnia pamiaci achviar savieckich represij, była navukovaj kiraŭnicaj miemaryjału «Kurapaty».
Maja Klaštornaja naradziłasia 31 maja 1937 hoda, praz paŭhoda paśla aryštu baćki, ale jejnaj maci ŭdałosia dabicca spatkańnia. «Mama bačyła baćku, baćka bačyŭ niedanošanaje, ale žyvoje niemaŭla», — raspaviadała paśla žančyna. Na momant dopytu maci joj było ŭsiaho 3 miesiacy.
Baćku rasstralali 30 kastryčnika 1937 hoda, jak i bolš za sotniu pradstaŭnikoŭ elity biełaruskaha čynoŭnictva, navuki i kultury.
«Mamie kazali: 10 hod biez prava pierapiski, i jana vieryła ŭ heta — i ŭ Akmalinskim łahiery, i paśla na pasialeńni ŭ Sibiry, ździŭlałasia, čamu baćka nas nie šukaje, 10 hadoŭ ža prajšło, «jon, napeŭna, užo doma i nas čakaje».
Maci z Majaj vysłali ŭ Akmalinski łahier dla takich žonak «vorahaŭ naroda» (AŁŽYR), dziaŭčynku źmiaścili ŭ łahierny dziciačy dom. Maci zabrała jaje tolki ŭ 1947 hodzie, bo da 8 hadoŭ łahieraŭ joj dakinuli jašče dva hady.
U Biełaruś, źniščanuju vajnoj, jany tady nie viarnulisia, žyli ŭ pasiołku ŭ Omskaj vobłaści. U Mai byli vialikija prablemy z chrybtom, siem hadoŭ jana była prykavanaja da balničnaha łožka.
U Biełaruś Maja viarnułasia ŭ 1955 hodzie, skončyła za dva hady škołu, paśla — Minski architekturna-budaŭničy technikum, pastupiła ŭ Maskoŭski inžynierna-budaŭničy instytut. Iznoŭ viarnułasia ŭ Biełaruś užo dypłamavanaj śpiecyjalistkaj-architektarkaj, pracavała ŭ «Biełpramprajekcie» ŭ adździele hienieralnaha płanavańnia, dzie zajmałasia pytańniami horadabudaŭnictva.
Adnoj ź jaje hałoŭnych metaŭ žyćcia było daviedacca pra svajho baćku, Todara Klaštornaha, jak maha bolš.
Spadaryniu Maju zaŭsiody možna było bačyć na šeściach u Kurapaty.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
A pavažanaj Majie Klaštornaj - śvietłaja pamiać.