U Kosavie złavili dvuch biełarusaŭ, jakija nielehalna pryjšli z Ałbanii praz hory
Try miesiacy ich trymali za kratami. Razam ź imi byŭ rasijanin z padroblenym pašpartam i ałbaniec-pravadnik.
Sud u kosaŭskim Pryzranie pryznaŭ vinavatymi dvuch hramadzian Biełarusi — Alaksandra Padhajskaha i Paŭła Piatrova — a taksama rasijanina Dźmitryja Kirylina ŭ niezakonnym pierasiačeńni miažy Kosava.
Padhajski — budaŭnik rodam ź Miadzieła, žyŭ u Minsku. Piatroŭ rodam z Mahilova, z vyšejšaj adukacyjaj, pracavaŭ budaŭnikom u Maskvie.
Ranicaj 10 lutaha 2026 hoda jany pierajšli z Ałbanii ŭ Kosava hornymi ściežkami, abminuŭšy aficyjny punkt propusku. Na kosaŭskim baku ich čakaŭ na aŭtamabili ałbaniec, jaki zahadzia rastłumačyŭ im maršrut praz hory.
Jany navat paśpieli adjechać kiłamietraŭ 60 ad miažy i nabližalisia da centru krainy, jak mašynu spyniŭ darožny patrul. Dakumientaŭ na ŭjezd i znachodžańnie ŭ Kosavie ni ŭ kaho z troch pasažyraŭ nie akazałasia.
U Kirylina, jaki pradstaviŭsia alpinistam z Maskvy, znajšli jašče adnu prablemu: jahony rasijski pašpart byŭ častkova padrobleny.
Usie čaćviora praviali ŭ śledčym izalatary amal try miesiacy — z 10 lutaha da dnia prysudu, 6 maja 2026 hoda.
Na sudzie ŭsie pryznali vinu. Abvinavačanyja zapeŭnivali, što nie chacieli naškodzić Kosavu, a miažu pierachodzili, «kab viarnucca dadomu», dy abiacali bolš nie parušać zakon. Sudździa pryznačyła kožnamu 86 dzion źniavoleńnia — roŭna stolki, kolki jany ŭžo adsiedzieli. Rasijanin za padrobleny pašpart dadatkova zapłacić 2000 jeŭra.
Paśla prysudu Padhajskaha, Piatrova i Kirylina źbiralisia departavać — dastavić ich da miažy ź Sierbijaj, bo mienavita tam jany lehalna znachodzilisia apošni raz.
Ciapier čytajuć
Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty21
Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych1313
Kamientary