Jak chałat apynuŭsia va ŭnitazie? Minskija santechniki raskazali pra samyja dziŭnyja zabićci trub
Napaŭnialnik dla kacinych tualetaŭ, łušpajki z harodniny i nie tolki. Rabotniki Haradskoj avaryjnaj słužby raspaviali «Minsk-Navinam», jakija siurpryzy znachodziać u trubach.
— My pracujem dzień i noč, — raskazvaje dyrektar pradpryjemstva Alaksandr Kiśluk. — Ale asnoŭnaja masa zajavak u budni pastupaje dzieści a 18:00. Heta čas zakryćcia miascovych ŽEU i prychodu z pracy žylcoŭ.
Usiaho ŭ Haradskoj avaryjnaj słužbie pracujuć kala 220 čałaviek, prykładna 140 ź ich zajmajucca niepasredna avaryjna-adnaŭlenčymi rabotami.
— Asnoŭnyja prablemy, jakija vyrašajuć našy bryhady, — pracioki inžyniernych kamunikacyj, raźmieščanych u kvaterach i padvalnych pamiaškańniach, niepaładki, źviazanyja z haračym i chałodnym vodazabieśpiačeńniem i sistemami aciapleńnia, — udakładniaje načalnik avaryjna-adnaŭlenčaj słužby Alaksandr Łabor. — Vyklikać avaryjnuju bryhadu treba pa numary 115. Adnak u śviatočnyja dni i vialikija vychadnyja zajaŭki prymaje i naša dyśpietčarskaja słužba.
Što stanovicca krynicaj avaryjnaj situacyi, jakaja patrabuje ekstrannaha vykliku śpiecyjalistaŭ? Pradstaŭniki avaryjnaj słužby ŭ adzin hołas kažuć, što ich mnostva. I ŭ bolšaści svajoj pryčynami stanoviacca lanota žylcoŭ, ich niadbajnaść ci niapravilnaja ekspłuatacyja sistemy.
— Zusim niadaŭna vyjšaŭ u top i staŭ lidaram pa stvareńni prablem napaŭnialnik dla kacinych łatkoŭ. Litaralna paru tydniaŭ tamu ŭ adnym z damoŭ z-za jaho pryjšłosia adklučyć adrazu čatyry stajaki. Pry hetym prybrać takoje ciažka, kali zabiłasia. Traplajučy ŭ vadkaść, napaŭnialnik utvaraje hiel: pry pračystcy mietaličny tros prachodzić praź jaho. Druhoje miesca zajmajuć usialakija łušpajki z aharodniny, asabliva ŭ siezon narychtovak! Časam laciać va ŭnitaz i cełyja rułony tualetnaj papiery, — kaža Kiśluk.
— Našym rabotnikam davodziłasia dastavać z kanalizacyjnych trub i ručniki, i łaźnievyja chałaty, nie kažučy ŭžo pra anučy dla padłohi. Časam chočacca spytać u žycharoŭ: jak vam chałaty ŭdajecca tudy zapichnuć? — havoryć Łabor.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary