Telefonnyja machlary prymusili 19‑hadovuju minčanku raździecca pierad kamieraj
Dziaŭčynie patelefanavali pad vyhladam słužby dastaŭki kvietak i daznalisia kod z SMS nibyta dla paćviardžeńnia pasłuhi.
Zatym iłžepravaachoŭnik abvinavaciŭ jaje ŭ raspaŭsiudžvańni sakretnaj infarmacyi i pryhraziŭ pakarańniem za saŭdzieł u teraryźmie. Kab vypravicca, jana pavinna była supracoŭničać, piša «Milicyja Minska».
Spačatku jaje prymusili zadekłaravać aščadak: dziaŭčyna sfatahrafavała svaje 100 rubloŭ i skłała dźvie zajavy — nibyta dla Nacbanka i ab zabaronie apracoŭki piersanalnych danych. Ad minčanki patrabavali pastajanna być na suviazi i zabaranili vyklučać telefon navat unačy.
Paźniej dziaŭčynie zahadali nabyć u rasterminoŭku iPhone apošniaj madeli. U kramie jana paznačyła numar telefona maci dla suviazi, a kali toj pryjšło SMS ab afarmleńni kredytu, minčanka schłusiła, što heta pamyłka, i pierakanała jaje ničoha nie rabić.
Paśla admieny hetaha zadańnia kuratar daŭ dziaŭčynie novaje: ad jaje zapatrabavali videapaćviardžeńnie dobraachvotnaha supracoŭnictva — treba było raździecca pierad kamieraj, kab pakazać adsutnaść siniakoŭ.
Ašukancy praciahvali zapeŭnivać, što rachunki minčanki ŭzłamanyja i vykarystoŭvajucca dla finansavańnia zabaronienych arhanizacyj. Pad stracham pakarańnia jana aformiła dźvie novyja SIM-karty i zabrała pad čužym bałkonam skrutak z hrašyma, paśla čaho pieradała jaho nastupnamu kurjeru.
Jašče praź niekalki dzion jana zabrała hrošy ŭ vaśmihadovaha dziciaci i pasprabavała adpravić ich ašukancam praz bankamat, ale toj złamaŭsia, zatrymaŭšy kala 7 tysiač rubloŭ.
Baćki dziciaci źviarnulisia ŭ milicyju — dziaŭčynu zatrymali. Joj rastłumačyli, što jana dziejničała pavodle ŭkazańniaŭ ašukancaŭ, i pavinna viarnuć astatnija 4 tysiačy rubloŭ.
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami21
Kamientary
Samich ašukancaŭ milicyja šukać kaniečnie nie źbirajecca?