«Treba być s*kaj, kab nie padmanuli?» Biełaruska aburanaja servisam na Kamaroŭskim rynku
Kamaroŭka apynułasia ŭ centry skandału. Usio pačałosia z prostaha pachodu pa jahady. Svajoj historyjaj padzialiłasia karystalnica Threads, zaŭvažyła «Točka».
«Schadziła kupić jahad, u maim ulubionym miescy nie było pradaŭca, tamu ja pajšła ŭ inšaje. Paprasiła maleńki łatok kłubnic, 500 h čarešni i ADZIN piersik», — raskazvaje dziaŭčyna.
Pavodle jaje słoŭ, pradavačka prapanoŭvała joj uziać bolš, ale paśla admovy ź niezadavolenym vyhladam skłała ŭvieś tavar u adzin vialiki pakiet. Dziaŭčyna jaho nie pravieryła i adrazu pajšła dadomu.
«Ja vyrašyła pamyć jahady, i kali ja ŭbačyła, što lažyć u pakietach, u mianie pačałasia amal isteryka: pałova łatka kłubnic hniłaja, čarešnia hniłaja i pačvarnaja ŭsia, zamiest adnaho narmalnaha piersika mnie pakłali dva hniłyja», — napisała biełaruska.
Jana zajaviła, što takija pradukty jeści zusim nie chočacca, dy i jeści tam niama čaho. A 25 rubloŭ byli vydatkavanyja daremna.
«Cikava, kab ciabie nie padmanvali ŭ hetym cudoŭnym miescy, treba abaviazkova vyhladać jak s*ka, moža? Ci treba pahadžacca na ŭsio, što ŭciuchvajuć, kab pajeści śviežych jahad?» — zadałasia pytańniem dziaŭčyna.
«MARHa na ich nie chapaje»
Halinku z abmierkavańniem pasta za paru dzion prahledzieli amal 200 tys. razoŭ. Abminuć jaje nie zmoh i aficyjny akaŭnt Kamaroŭki.
«Napišycie, kali łaska, nam u instahram: pasprabujem vyznačyć punkt. Ale kłubnicy nie hniłyja, a prymiatyja. Pa čarešni nie zrazumieła, ale budziem raźbiracca)», — adkazali dziaŭčynie.
Niahledziačy na heta, bura abureńnia ŭžo była padniataja. Mnohija raspaviali, što ŭ apošnija hady pierastali kuplać na rynku. Siarod pryčyn — nachabnyja pradaŭcy, abvažvańni i jakaść tavaraŭ.
Inšyja rajać čaściej zahladvać na rynak i kuplać tolki ŭ pravieranych pradaŭcoŭ. Tady prablem uźniknuć nie pavinna.
Častka kamientataraŭ zaklikała MARH i sanstancyju źviarnuć uvahu na toje, što adbyvajecca, i pryjści na Kamaroŭku z pravierkaj.
Ciapier čytajuć
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia33
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1111
Kamientary