U Krymie miascovyja skardziacca nie tolki na deficyt paliva, ale i praduktaŭ
Z kram na akupavanym Krymskim paŭvostravie źnikajuć bazavyja pradukty. Paśla ŭdaraŭ pa łahistyčnych vuzłach i suchaputnym šlachu ŭ Krymie pačaŭsia vostry paliŭny kryzis, jaki łancuhovaj reakcyjaj vyklikaŭ paničnyja čakańni siarod nasielnictva, a śledam i deficyt praduktaŭ na palicach.
Paliŭny kryzis vyklikaŭ pieraboi z dastaŭkaj tavaraŭ i spravakavaŭ spažyviecki ažyjataž. Jak zaŭvažyła vydańnie «Ahientstvo», žychary Simfieropala i Sievastopala pačali masava skardzicca ŭ miascovych čatach na niastaču bazavych praduktaŭ charčavańnia.
Paviedamleńni ŭ miascovych čatach pakazvajuć, što prablemy nazirajucca z cukram, hrečkaj, makaronaj, rysam, sollu, mukoj, alejem.
Miascovyja pabliki paviedamlajuć pra nastupnyja fakty, što ŭ bujnych handlovych sietkach całkam abo častkova źnikli cukar i tannyja krupy — ludzi litaralna «źmiatajuć» tavary skryniami.
U kramach pačali źjaŭlacca tablički z papiaredžańniami pra žorstkija abmiežavańni: naprykład, vydavać nie bolš za 3 kh cukru, hrečki i rysu ŭ adny ruki.
U simfieropalskim hipiermarkiecie «Ašan» na palicach zastalisia tolki darahaja sol i reštki hrečki pad ułasnym brendam kramy.
Pakul pieraboi z praduktami nie nosiać tatalnaha charaktaru na ŭsim paŭvostravie — žychary niekatorych haradoŭ (Fieadosii, Bachčysaraja) paviedamlajuć, što asabista pustych palic nie bačyli, ale ŭžo čytajuć pra heta ŭ sacsietkach.
Tym nie mienš, prablema z dastaŭkaj praduktaŭ i paliva narastaje, pakolki abiacańni akupacyjnych uładaŭ narmalizavać łahistyku paśla paśpiachovych udaraŭ ukrainskich dronaŭ pakul zastajucca tolki na papiery.
Siońnia stała viadoma, što praz udar pa Čanharskim moście ruch pa im u bok Kryma pierakryty.
Ciapier čytajuć
Byłoha biełaruskaha palitviaźnia sudziać u Litvie za padrychtoŭku da zabojstvu rasijskaha apazicyjaniera. Pahražaje až da pažyćciovaha1
Kamientary