Biełarus padrabiŭ dakumienty, kab zaniać pasadu staršyni žyllovaha tavarystva ŭ Druskienikach — jaho sudzili
Hramadzianin Biełarusi Alaksandr Emšanaŭ prydumaŭ aryhinalnuju, ale kryminalnuju schiemu zarobku ŭ litoŭskim kurortnym horadzie. Jon padrabiŭ papiery, kab stać kiraŭnikom miascovaha tavarystva ŭłaśnikaŭ žylla i atrymać dostup da nazapašanych hrošaj žycharoŭ šmatkvaternaha doma, piša LRT.
Avantura pačałasia ŭ krasaviku minułaha hoda. Mužčyna vyrašyŭ zachapić uładu ŭ adnym z damoŭ u Druskienikach. Pry hetym, jak śćviardžajecca, ułaśniki kvater jaho na pasadu nie vybirali. Biełarus sfalsifikavaŭ usie nieabchodnyja dakumienty, i hetych falšyvak chapiła, kab dziaržaŭnyja orhany aficyjna zarehistravali jaho staršynioj tavarystva.
Staŭšy kiraŭnikom, Emšanaŭ atrymaŭ prava dziejničać ad imia žycharoŭ. Realnaj metaj jaho byli čužyja hrošy, da takoj vysnovy pryjšoŭ sud. Adrazu paśla «pryznačeńnia» biełarus źviarnuŭsia ŭ kampaniju, jakaja kiruje domam, z patrabavańniem pieraličyć na bankaŭski rachunak tavarystva 11 509 jeŭra nazapašanych žycharami srodkaŭ.
Alituski ŭčastkovy sud pryznaŭ biełarusa vinavatym i prysudziŭ jaho da adnaho hoda abmiežavańnia voli. Emšanaŭ pasprabavaŭ abskardzić hetaje rašeńnie, adnak Apielacyjny sud Kaŭnaskaha akruhi adchiliŭ jaho skarhu. Prysud nabyŭ zakonnuju siłu, choć u biełarusa jašče zastajecca prava na kasacyju.
Ciapier čytajuć
«Ni tady, ni siońnia ja nie liču, što zrabiŭ štości kiepskaje». Dziadok ščyra raskazaŭ pra byłyja adnosiny z 16‑hadovaj dziaŭčynaj58
Kamientary