U Ciumieni zahareŭsia bujny NPZ. Ad Ukrainy datul 2000 kiłamietraŭ
6 červienia ŭ rasijskaj Ciumieni adbyŭsia bujny pažar na miascovym naftapierapracoŭčym zavodzie, jaki naležyć kampanii «Rusinviest». Heta najbujniejšy niezaležny NPZ u Rasii i adziny pramysłovy naftapierapracoŭčy zavod va Uralskaj fiederalnaj akruzie, piša The Moscow Times.
Pavodle aficyjnaj infarmacyi, uzharańnie adbyłosia na ŭstanoŭcy ačystki naftapraduktaŭ z-za parušeńnia technałahičnaha pracesu. Ułady admaŭlajuć suviaź zdareńnia z mahčymaj atakaj bieśpiłotnikaŭ i zajaŭlajuć, što paviedamleńni pra ŭdar ukrainskich dronaŭ nie adpaviadajuć rečaisnaści.
Pažaru byŭ prysvojeny vysoki ŭzrovień niebiaśpieki. Dla jaho likvidacyi pryciahnuli kala 80 ratavalnikaŭ i 23 adzinki techniki. Ahoń achapiŭ dvuchsiekcyjnuju ŭstanoŭku hidraačystki dyzielnaha paliva mahutnaściu kala 3,6 miljona ton na hod.
Praź niekalki hadzin pažar udałosia łakalizavać, a zatym poŭnaściu likvidavać. Pavodle źviestak hubiernatara Ciumienskaj vobłaści Alaksandra Maora, nichto nie paciarpieŭ. Abstaviny zdareńnia buduć vyśviatlacca padčas rasśledavańnia.
Ciumienski NPZ vypuskaje aŭtamabilnyja bienziny, dyzielnaje paliva standartu Jeŭra-5, zvadkavanyja vuhlevadarodnyja hazy, hranulavanuju sieru, naftavy koks i inšuju pradukcyju. Pavodle roznych acenak, mahutnaść pradpryjemstva składaje ad 6 da 7,5 miljona ton nafty na hod.
Paśla pažaru ŭ horadzie było zafiksavana pavyšeńnie kancentracyi praduktaŭ hareńnia, pyłu i sažy ŭ pavietry. Śpiecyjalisty rekamiendavali žycharam, asabliva ludziam z zachvorvańniami dychalnaj sistemy, mienš znachodzicca na dvare, trymać vokny začynienymi i pa mahčymaści vykarystoŭvać srodki abarony dychańnia i ačyščalniki pavietra.
Raniej paviedamlałasia, što ŭ kastryčniku 2025 hoda ŭ rajonie hetaha zavoda byli źniščanyja try bieśpiłotniki, adnak tady surjoznych nastupstvaŭ dla pradpryjemstva nie dapuścili.
Hiensak NATA pra abstreł Pieciarburha ŭ dni ekanamičnaha forumu: patrebny dazvoł Zialenskaha, jak na 9 maja
«ŁNR» śledam za Krymam uviała limit na prodaž bienzinu
U Krasnadarskim krai paśla ataki ŭkrainskich bieśpiłotnikaŭ uźnik pažar na NPZ
U Rastoŭskaj vobłaści paśla napadu BPŁA zaharełasia naftaschovišča, u Sarataŭskaj — NPZ
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny38
Kamientary