U Rastoŭskaj vobłaści paśla napadu BPŁA zaharełasia naftaschovišča, u Sarataŭskaj — NPZ
U Rastoŭskaj i Sarataŭskaj abłaściach Rasii ŭ noč na 31 maja padčas čarhovaj pavietranaj ataki pad udaram apynulisia abjekty paliŭnaj infrastruktury.
Pavodle paviedamleńnia hubiernatara Rastoŭskaj vobłaści Juryja Ślusara, u Matviejeva-Kurhanskim rajonie ŭ vyniku padzieńnia abłomkaŭ bieśpiłotnika zaharełasia paliŭnaje schovišča, jakoje zabiaśpiečvaje sielhasvytvorcaŭ.
Miascovyja žychary susiednich pryvatnych damoŭ byli evakujavanyja ŭ metach biaśpieki, da tušeńnia pažaru pryciahnuli pažarny ciahnik.
Infarmacyja pra paciarpiełych na hety momant nie pastupała.
Akramia taho, u samim pasiołku Matviejeŭ Kurhan paškodžańni atrymali apteka, dźvie kramy i aŭtamabil, a taksama byli paškodžanyja dach, škleńnie i hazavaja truba, z-za čaho daviałosia pierakryć haz. Miascovyja supołki ŭ sacyjalnych sietkach sa spasyłkaj na vidavočcaŭ śćviardžajuć, što paśla ŭdaru pa reziervuary z palivam u nasielenym punkcie prajšoŭ naftavy doždž.
Adnačasova pra nastupstvy načnoj ataki zajaviŭ i kiraŭnik Sarataŭskaj vobłaści Raman Busarhin. Jon paviedamiŭ pra paškodžańnie abjektaŭ hramadzianskaj infrastruktury, adnak nie ŭdakładniŭ, pra jakija mienavita pradpryjemstvy idzie havorka.
U toj ža čas manitorynhavyja OSINT-kanały i infarmacyjnyja resursy raspaŭsiudzili fota– i videamateryjały ad miascovych žycharoŭ, jakija śviedčać, što asnoŭny ŭdar pryjšoŭsia na Sarataŭski naftapierapracoŭčy zavod, dzie paśla vybuchaŭ pačaŭsia pažar.
Hety NPZ užo nie pieršy raz stanovicca cellu dla pavietranych udaraŭ.
Ciapier čytajuć
«Biełaruś pieradusim». Što viadoma pra 23‑hadovaha aficera śpiecnaza, jakoha asudzili na 19 hadoŭ za «zdradu dziaržavie»18
Kamientary