Беларус падрабіў дакументы, каб заняць пасаду старшыні жыллёвага таварыства ў Друскеніках — яго судзілі
Грамадзянін Беларусі Аляксандр Эмшанаў прыдумаў арыгінальную, але крымінальную схему заробку ў літоўскім курортным горадзе. Ён падрабіў паперы, каб стаць кіраўніком мясцовага таварыства ўласнікаў жылля і атрымаць доступ да назапашаных грошай жыхароў шматкватэрнага дома, піша LRT.
Авантура пачалася ў красавіку мінулага года. Мужчына вырашыў захапіць уладу ў адным з дамоў у Друскеніках. Пры гэтым, як сцвярджаецца, уласнікі кватэр яго на пасаду не выбіралі. Беларус сфальсіфікаваў усе неабходныя дакументы, і гэтых фальшывак хапіла, каб дзяржаўныя органы афіцыйна зарэгістравалі яго старшынёй таварыства.
Стаўшы кіраўніком, Эмшанаў атрымаў права дзейнічаць ад імя жыхароў. Рэальнай мэтай яго былі чужыя грошы, да такой высновы прыйшоў суд. Адразу пасля «прызначэння» беларус звярнуўся ў кампанію, якая кіруе домам, з патрабаваннем пералічыць на банкаўскі рахунак таварыства 11 509 еўра назапашаных жыхарамі сродкаў.
Алітускі ўчастковы суд прызнаў беларуса вінаватым і прысудзіў яго да аднаго года абмежавання волі. Эмшанаў паспрабаваў абскардзіць гэтае рашэнне, аднак Апеляцыйны суд Каўнаскага акругі адхіліў яго скаргу. Прысуд набыў законную сілу, хоць у беларуса яшчэ застаецца права на касацыю.
Цяпер чытаюць
31‑гадовы расіянін акруціў 17‑гадовую беларуску. Фінал гісторыі страшны: турма за наркотыкі, смерць дзіцяці, «СВА» і скрадзеныя грабавыя9
Каментары