Цяпер дакладна. У Мінску пачалося будаўніцтва доўгачаканага панэльнага ЖК
Гэта месца, вядомае як Планерная гара, даўно знаходзілася ў чаканні вялікага будаўніцтва. Справа ў тым, што менавіта тут мусіць з'явіцца жылы комплекс, параўнальны па ўзроўні з Новай Баравой.
Будаўніцтва на вуліцы Гарэцкага МАПІД абяцаў пачаць яшчэ некалькі гадоў таму, але працы кожны раз адкладваліся. Нядаўна на аб'екце зноў заўважылі рух, і на гэты раз — гэта дакладна актыўнае будаўніцтва. Першым будынкам будучага жылога квартала стане паркінг з убудаванымі крамамі. У газеце «Звязда» ўжо з'явілася першая праектная дэкларацыя. Праўда, пакуль не на кватэры, а на камерцыйныя памяшканні, піша Realt.
У першай чарзе будаўніцтва ў жылым квартале ў межах вуліц Янкоўскага і Гарэцкага будзе ўзведзены асобны паркінг. Ён размесціцца ў аб'ёме шматкватэрных панэльных дамоў тыповай серыі М-464-У1-М.
Гараж будзе мець складаную форму і складацца з шматгранніка-стылабата з убудаванымі памяшканнямі і паркоўкі адкрытага тыпу. Пяціўзроўневы паркінг пачалі будаваць вясной гэтага года, а завяршыць плануюць у другім квартале 2028 года.
Акрамя парковачных месцаў, у паркінгу з'явяцца дзве крамы, кафэ на 60 месцаў і разлікова-касавы цэнтр.
Зараз на продаж выстаўлены два лоты:
— крамы прамысловых і прадуктовых тавараў, разлікова-касавы цэнтр і памяшканні агульнага карыстання агульнай плошчай 2114 квадратных метраў па цане 4860 рублёў за квадратны метр;
— кафэ агульнай плошчай 960 квадратных метраў па цане 4860 рублёў за квадратны метр.
Продажы памяшканняў адкрыюцца 10 верасня ў офісе «МАПІД».
Усяго на Планернай гары ў Сухараве плануецца ўзвесці 15 панэльных дамоў.
Раней забудоўшчык абяцаў, што ў новым квартале будуць як кватэры для тых, хто мае патрэбу ў паляпшэнні жыллёвых умоў, так і камерцыйнае жытло для ўсіх ахвочых.
Акрамя дзесяціпавярховых дамоў, праектам прадугледжаны школа на 780 месцаў, дзіцячы садок на 230 месцаў, асобная амбулаторыя і некалькі паркінгаў.
Цяпер чытаюць
31‑гадовы расіянін акруціў 17‑гадовую беларуску. Фінал гісторыі страшны: турма за наркотыкі, смерць дзіцяці, «СВА» і скрадзеныя грабавыя12
Каментары
У горадзе амаль ўся зямля, пад і каля будынкаў, на вуліцах, у парках забруджана будаўнічым смеццем. Калі рыюць катлаваны, зямлю перавозяць у іншае месца. Тут яна назбіралася.
Будаваць на такой гары небяспечна: шчыльнасць глебы неаднародная, з пустотамі. Ад вагі пачне прасядаць.
Адказныя людзі пра гэта павінны ведаць, аднак усё роўна будуецца па прынцыпу "няхай". Пачнуць думаць, толькі калі "знянацку" сутыкнуцца з праблемай ужо пабудаваных дамоў.