«Navošta nam vioski pa try čałavieki?» Piotra Piatroŭski prapanuje zvozić piensijanieraŭ z małych viosak u ahraharadki
Prapahandyst i aktyvist kamunistyčnaj partyi Piotra Piatroŭski ŭ efiry Biełaruskaha radyjo parazvažaŭ pra «adradžeńnie siała» i vykłaŭ svaje aryhinalnyja pohlady na toje, što rabić z apuściełymi vioskami i reštkami ich karennych žycharoŭ.
«Maja dumka — moža i nie treba trymać vioski pa try čałavieki? Voś u nas jość ahraharadki. Heta pavinny być takija akumulatyŭnyja centry. Tudy treba zvozić nasielnictva. A vioski hetyja možna adrestaŭravać…», — vykładaje svaje idei Piatroŭski.
U hetym miescy jaho pierabili i paprasili patłumačyć, što jon razumieje pad słovam «zvozić».
«Nu pahladzicie, jany vymirajuć. Tam chto — piensijaniery. Ci možam my piensijanieraŭ u addalenych vioskach pakidać uvohule? Heta efiektyŭna? Na moj pohlad, nie vielmi efiektyŭna», — tłumačyć prapahandyst.
Ad zaŭvahi ž, što pažyły čałaviek usio ž taki žyvie ŭ svajoj chacie, dzie ŭ jaho karani, i jon jaŭna žadaŭ by na radzimie svajo žyćcio i dažyć, Piatroŭski admachvajecca:
«Karani, nie karani… Čamu b jamu nie pierajechać u ahraharadok, dzie jość fielčarski punkt?»
Prytym jon pahadžajecca, što heta ideja nie ŭsim spadabajecca, ale:
«Što nam zastajecca rabić? Pakidać starych na chutarach addalenych, kudy chutkaja miedycynskaja dapamoha nie prajedzie zimoj ci ŭ niejki viasnova-asieńni pavodkavy siezon?.. Treba tut vielmi mocna racyjanalizavać».
Apuściełyja ž vioski, ačyščanyja ad karennaha nasielnictva, jon prapanuje restaŭravać i rabić u ich hihanckija ahrasiadziby, «centry adpačynku ŭ etnahrafičnym styli».
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała8
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2626
Kamientary
Što skaža zaraz?