Na amierykanskim fiestyvali Burning Man znoŭ zładziać biełaruski łahier
Sioleta na znakamitym feście Burning Man znoŭ budzie biełaruski łahier Mara, piša Reform.news.
«Naš letašni debiut u Burning Man zrabiŭ sapraŭdnuju siensacyju: našy «Łaźnia» i «Draniki» zavajavali mnostva vodhukaŭ, a niekatoryja navat nazvali MARA najlepšym łahieram siezona. U 2026 hodzie my vierniem u pustyniu toje, čym hanarymsia bolš za ŭsio, — našy tradycyi, kulturu i dušeŭnaje ciapło», — piša kamanda.
U biełaruskaha kempa buduć try składniki:
- LAZNIA — rytuał ačyščeńnia cieła i duchu;
- DRANIKI — centr haścinnaści;
- DRACAR — art-aŭtamabil dla načnych padarožžaŭ.
Plus supolnaść z 60 čałaviek, jakija razam dzielacca svaimi tradycyjami sa śvietam. Da inicyjatyvy zaprašajuć dałučycca.
Mara Camp letaś ź‘iaviŭsia dziakujučy ahiencyi Vondel Digital, zasnavanaj byłym palitviaźniem Alaksandram Vasilevičam.
Fiestyval Burning Man u ZŠA prachodzić štohod. Padčas imprezy paŭstaje svojeasablivy horad, u jakim amal usio, što adbyvajecca, całkam stvarajecca jaho žycharami. U pustyni ŭstaloŭvajucca tvory sučasnaha mastactva, časta fantastyčnych formaŭ. Niekatoryja ź ich spalvajucca stvaralnikami da zakančeńnia festu.
Kulminacyjaj fiestyvalu ź‘iaŭlajecca spalvańnie vializnaj skulptury čałavieka.
Sioleta fiestyval Burning Man projdzie ŭ pustyni Błek-Rok u Nievadzie z 30 žniŭnia da 7 vieraśnia. Hałoŭnaja tema festu — tvorčyja interpretacyi kaśmičnaha dreva, adnak mastackija instalacyi vitajucca i zaachvočvajucca ŭ Black Rock City niezaležna ad taho, uvasablajuć jany temu hetaha hoda ci nie.
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?1
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary