U horadzie Karaloŭ Maskoŭskaj vobłaści adbyŭsia pažar na terytoryi Centralnaha navukova-daśledčaha instytuta mašynabudavańnia (CNDImaš). Pra heta paviedamili rasijskija ŚMI sa spasyłkaj na ekstrannyja słužby.
Pavodle papiaredniaj infarmacyi, uzharańnie maje technahienny charaktar. Dla jaho likvidacyi ratavalniki Maskoŭskaj vobłaści źviarnulisia pa dapamohu da padraździaleńniaŭ MNS Maskvy.
Pakul niama aficyjnych źviestak pra pryčyny pažaru, maštaby paškodžańniaŭ abo mahčymych paciarpiełych.
Niezadoŭha da zdareńnia Rasavijacyja ŭvodziła časovyja abmiežavańni na pracu aeraportaŭ Damadziedava, Unukava i Žukoŭski. Takija miery ŭ Rasii časta prymajucca pry pahrozie atak bieśpiłotnikaŭ. Adnak aficyjna suviaź pamiž hetymi padziejami i pažaram pakul nie paćvierdžanaja.
Centralny navukova-daśledčy instytut mašynabudavańnia źjaŭlajecca hałoŭnym navukovym centram dziaržaŭnaj karparacyi «Raskosmas» i adnoj z klučavych ustanoŭ rasijskaj kaśmičnaj haliny. Instytut zajmajecca daśledavańniami i raspracoŭkami ŭ śfiery rakietna-kaśmičnaj techniki, a jaho napracoŭki vykarystoŭvajucca pry stvareńni balistyčnych rakiet, navihacyjnych sistem i spadarožnikaŭ, u tym liku pryznačanych dla raźviedki.
Pad Jekaciarynburham padarvali mašynu dyrektara zavoda pa vytvorčaści dronaŭ. Jon u reanimacyi
Dron upaŭ na plaž pad Hielendžykam, kudy jeździć šmat biełaruskich turystaŭ — zahinuli šeść čałaviek VIDEA
U Samarskaj vobłaści pierastaŭ isnavać łahistyčny kompleks Wildberries
U Biełharadzie paśla ataki dronaŭ haryć univiersitet, dzie raspracoŭvali bieśpiłotniki
Kamientary