Uradženiec Omska Vadzim Kruhłoŭ, jaki pierajechaŭ u ZŠA, znojdzieny miortvym na fiestyvali Burning Man. Zabojcu pakul nie znajšli. Heta pieršaja za historyju fiestyvalu śmierć, jakaja źjaŭlajecca vynikam złačynstva.
U amierykanskim štacie Nievada viadziecca rasśledavańnie zabojstva rasijanina na kultavym muzyčnym fiestyvali Burning Man, jaki prachodzić u pustyni.
Cieła mužčyny było znojdziena viečaram 30 žniŭnia ŭ łužynie kryvi na terytoryi ŭ časovym horadzie Błek-Rok-Sici, jaki ŭźnikaje ŭ pustyni na čas praviadzieńnia mierapryjemstva.
Zabity ŭdzielnik fiestyvalu byŭ apaznany, im akazaŭsia 37-hadovy hramadzianin RF Vadzim Kruhłoŭ, jaki pierajechaŭ u ZŠA.
Jak adznačajecca ŭ zajavie palicyi, pošuki datyčnych da zabojstva i zbor dokazaŭ praciahvajucca.
Kiraŭnictva Burning Man zajaviła, što supracoŭničaje z pravaachoŭnymi orhanami padčas rasśledavańnia.
Heta pieršaja za historyju fiestyvalu śmierć, jakaja źjaŭlajecca vynikam złačynstva. Burning Man maje reputacyju fiestyvalu mastactva, svabody i ščaślivaj supolnaści, tamu śmierć tut vyklikała šok siarod udzielnikaŭ.
-
«Zaličanaja pa niestandartnaj pracedury». Stała viadoma, jak ščodra padmazvaŭ Epštejn univiersitet, u jakim vučyłasia Karyna Šulak
-
Rubia ŭ apošni momant admianiŭ sustreču ź lidarami Jeŭropy ab pytańni Ukrainy
-
Studzień 2026 hoda ŭvajšoŭ u piaciorku samych ciopłych pieršych miesiacaŭ hoda ŭ śviecie. Jak heta ni dziŭna dla biełarusaŭ
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami7
Kamientary