Entuzijasty raspracavali interaktyŭny katałoh, pryśviečany ajčynnaj savieckaj spadčynie druhoj pałovy XX stahodździa. Niekali vieličnyja budynki i komleksy, sprajektavanyja pieršymi imionami ŭ biełaruskaj architektury, siońnia pieražyvajuć adzin z najbolš ciažkich pieryjadaŭ.
Baza danych prajekta belmodernism.by, jak paviedamlajuć aŭtary, achoplivaje pieryjad z 1955 pa 1991 hod. Jany pazicyjanujuć resurs jak daviednik dla papularyzacyi madernizmu, jaki źjaŭlajecca paŭnavartasnaj častkaj suśvietnaj history architektury.
Płatforma prapanuje hnutkuju sistemu pošuku. Abjekty padzielenyja na indyvidualnyja i typavyja. Karystalniki mohuć filtravać zabudovu pa funkcyjanalnym pryznačeńni: žyłyja damy, internaty, administracyjnyja, spartyŭnyja i pramysłovyja zbudavańni. Asobnyja błoki pošuku pryśviečanyja prajektnym arhanizacyjam (naprykład, «Biełdziaržprajekt» ci «Minskprajekt») i kankretnym architektaram. U śpisie ŭžo fihurujuć imiony znakamitych Ihara Jeśmana, Ivana Boŭta, Siarhieja Filimonava i Siarhieja Musinskaha.
Dla kožnaha budynka praduhledžana asobnaja infarmacyjnaja kartka, dzie paznačany hod stvareńnia, biahučy stan abjekta, dakładnyja kaardynaty z mahčymaściu pierachodu na mapu i halereja sučasnych fotazdymkaŭ. U vizualnym katałohu ŭžo pradstaŭleny dziasiatki znakavych abjektaŭ. Siarod ich minskija Pałac sportu, kinateatr «Maskva», Pałac tenisu, 15‑y korpus BNTU («Karablik»), vystavačny paviljon «BiełEkspa», Biełaruski dziaržaŭny akademičny muzyčny teatr, budynak Ministerstva sportu i turyzmu, byłyja majsterni Sajuza mastakoŭ (ciapier NCSM), Respublikanski instytut prafiesijnaj adukacyi, a taksama budynki zavodaŭ «Intehrał» i srodkaŭ kompleksnaj aŭtamatyzacyi.
Pry napaŭnieńni karty stvaralniki abapirajucca na materyjały Sajuza architektaraŭ Biełarusi, Biełaruskaha dziaržaŭnaha archiva navukova-techničnaj dakumientacyi i Biełaruskaha dziaržaŭnaha archiva kinafotafonadakumientaŭ. Na dadzieny momant sajt belmodernism.by znachodzicca ŭ režymie teściravańnia i nieŭzabavie stanie dastupnym dla šyrokaha vykarystańnia.
Źjaŭleńnie takoha prajekta dla fiksacyi i papularyzacyi spadčyny asabliva aktualnaje na fonie taho, jak dziaržava i zabudoŭščyki abychodziacca z architekturaj druhoj pałovy XX stahodździa. Jak my pisali raniej, praktyčna nivodny z ajčynnych šedeŭraŭ madernizmu nie maje aficyjnaha achoŭnaha statusu, a mnohija znakavyja budynki niezvarotna źniščajucca padčas znosaŭ abo stračvajuć svoj aryhinalny vyhlad padčas rekanstrukcyj z vykarystańniem tannaha kieramahranitu i płastyku.
«Naša Niva» — bastyjon biełaruščyny
PADTRYMAĆNakolki bolš pomnikaŭ architektury achoŭvajecca ŭ Polščy i Litvie ŭ paraŭnańni ź Biełaruśsiu. Žachlivyja ličby
Saviecki madernizm Taškienta pryznali suśvietnaj spadčynaj JUNIESKA. U Minsku jaho abšyvajuć kieramahranitam i admaŭlajucca brać pad achovu
Pahladzicie, jak niezvyčajna vyhladaje ŭviečary dom-tetrys u Babrujsku
Budynku Hrodzienskaha abłasnoha dramatyčnaha teatra nadali status historyka-kulturnaj kaštoŭnaści
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje88
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje8
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ1010
Kamientary