U Minsku praviali ŭrezku ŭ trubapravod z haračaj vadoj biez adklučeńnia spažyŭcoŭ
U vyniku raboty, jakija zvyčajna patrabujuć adklučeńnia haračaha vodazabieśpiačeńnia na vosiem hadzin, zaniali mienš za paŭhadziny.
Ekśpierymientalnuju ŭrezku ŭ trubapravod z haračaj vadoj biez adklučeńnia spažyŭcoŭ praviali 4 žniŭnia ŭ žyłym domie pa adrasie: vuł. Bialeckaha, 14/2, pišuć Minsk-naviny.
— Pakul pravodzim heta ŭ jakaści ekśpierymientu i adsočvajem vyniki. Kali technałohija sapraŭdy pakaža svaju efiektyŭnaść, budziem ukaraniać jaje pa ŭsim horadzie. Taki padychod asabliva važny dla sacyjalnych abjektaŭ — balnic, dziciačych sadkoŭ, radzilnych damoŭ, dzie nieabchodna vyklučyć vierahodnaść adklučeńnia spažyŭcoŭ ad haračaha vodazabieśpiačeńnia. Akramia taho, jon budzie karysny i pry avaryjnych situacyjach. Technałohija dazvalaje skaracić vydatki, pamienšyć vykarystańnie čałaviečych resursaŭ i čas, nieabchodny dla praviadzieńnia rabot, — adznačyŭ namieśnik staršyni Minharvykankama Aleh Korzun.
U vyniku raboty, jakija zvyčajna patrabujuć adklučeńnia haračaha vodazabieśpiačeńnia na vosiem hadzin, zaniali mienš za paŭhadziny.
Niadaŭna padobny ekśpierymient byŭ praviedzieny na ŭčastku ciepłatrasy, a ciapier — u žyłym domie, dla trubapravoda z haračaj vadoj.
— U hetym domie sietki ciepłazabieśpiačeńnia i haračaha vodazabieśpiačeńnia ŭžo adpracavali svoj narmatyŭny termin słužby i padlahajuć zamienie. Kab vykanać hetyja raboty biez adklučeńnia spažyŭcoŭ ad pasłuh, my vykarystoŭvajem novuju dla nas technałohiju. Raboty prajšli ŭ štatnym režymie i byli paśpiachova zavieršanyja, — raskazaŭ dyrektar «Minskkamunciepłasietki» Andrej Viračkin.
Padobnyja technałohii ŭžo niekalki hadoŭ vykarystoŭvajuć śpiecyjalisty pradpryjemstva «Minhaz». «Minskkamunciepłasietka» vyrašyła adaptavać ich dla raboty na ciepłavych sietkach i sietkach haračaha vodazabieśpiačeńnia.
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary