Vydaviectva «Papury» pieravydała bahata ilustravanuju knihu biełaruskich čaradziejnych kazak i padańniaŭ «Viadźmar, jaki rabiŭsia vaŭkom», jakaja ŭpieršyniu vychodziła ŭ 2020 hodzie.
Ukłaŭ i apracavaŭ narodnyja teksty pierakładčyk i paet Anton Francišak Bryl, piša bellit.info.
U novym vydańni čytačoŭ čakaje adna novaja nievialikaja kazka «Adkul biarucca knihi». Pavodle słoŭ układalnika Antona Franciška Bryla, historyja sustrełasia jamu ŭžo paśla vychadu pieršaj viersii knihi i vydatna jaje dapoŭniła. Taksama vydaviectva dapracavała palihrafiju.
U zbornik uvajšli čaradziejnyja kazki i padanni z roznych kutkoŭ Biełarusi, zapisanyja ŭ kancy XIX — pačatku XX stahodździaŭ, a ciapier nanoŭ adabranyja i apracavanyja. Niekatoryja siužety dobra znajomyja čytaču, inšyja ž, naadvarot, redka traplali u papularnyja vydanni. Kniha spadabajecca tym, chto cikavicca falkloram, a taksama amataram cmokaŭ, vaŭkałakaŭ i inšych cikavych piersanažaŭ. Litaraturnaja apracoŭka zroblenaja z maksimalnaj aščadnaściu da aryhinalnych tekstaŭ, ale tak, kab jany byli zrazumiełyja i cikavyja samym małodšym čytačam i słuchačam.
Praca Valeryja Słavuka nad hetaj knihaj była nazvanaja žury Premii Ciotki najlepšaj u naminacyi «Mastackaje afarmleńnie».
Ciapier čytajuć
Mama Baženy Jaremič, jakaja rychtuje pryhažuń dla Łukašenki, kupiła elitny katedž koštam $837 tysiač16
Kamientary