«Cudy apakaliptyčnaha śvietu». Na Danbasie ptuški vijuć hniozdy z dronavaha optavałakna
Ukrainski navukoviec Aleh Malčanka, doktar histaryčnych navuk, jaki ciapier vajuje ŭ składzie USU na Danbasie, pakazaŭ niezvyčajnaje ptušynaje hniazdo, častkova źvitaje z aptyčnaha vałakna, jakoje vykarystoŭvajecca ŭ dronach.
Pa słovach Aleha Malčanki, paśla vybuchu kiravanaj avijacyjnaj bomby było pavalena dreva, a ź jaho krony vypała hniazdo, u jakoje razam z travoj i halinkami byli ŭplecienyja kavałki dronavaha optavałakna. Malčanka nazvaŭ takuju znachodku «cudam apakaliptyčnaha śvietu» i prykładam taho, jak žyvioły prystasoŭvajucca da novych umoŭ žyćcia navat u zonie bajavych dziejańniaŭ.
Jon adznačyŭ, što ptuški vykarystoŭvajuć usie dastupnyja im materyjały dla budaŭnictva svaich hniozdaŭ, tamu reštki sučasnych vajskovych technałohij taksama stanoviacca častkaj navakolnaha asiarodździa. Na jaho dumku, heta simvalična adlustroŭvaje zdolnaść žyvoj pryrody prystasoŭvacca da samych składanych abstavin.
Razam z tym vajskoviec źviarnuŭ uvahu na niehatyŭnyja nastupstvy vajny dla ptušak. Pavodle jaho nazirańniaŭ, pastajannyja vybuchi i streły časta vyklikajuć u ich kantuzii i dezaryjentacyju. Niekatoryja ptuški padajuć z dreŭ, inšyja, uźlacieŭšy, urazajucca ŭ budynki abo słupy.
Aleh Malčanka taksama raskazaŭ pra vialikaha strakataha dziatła, jaki doŭhi čas žyŭ kala ich blindaža i, zdavałasia, nie źviartaŭ uvahi na hrukat artyleryi. Adnak padčas adnaho z avijaŭdaraŭ ptuška zahinuła ad askiepkaŭ razburanaha dachu susiedniaha doma.
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary